ل خورماتوو چەکدارێن حەشدا شەعبی دوکانا کێمئەندامەکێ دسوژن
ئەڤرۆ نیۆز،زنار تۆڤی:
پشتی داگیرکرنا خورماتوو ژ لایێ میلیشیاتێن حەشدا شەعبی ڤە، دەست ب سووتن و تالانکرنا خانی و دوکانێن ب دەهان وەلاتیێن کورد کرینە.
میلیشیاتێن حەشدا شەعبی ب تنێ دەستێ خۆ ژ دوکان و مالێن کێمئەندامان نەپاراستیە و دوکانێن وان ژی سوتینە،هەروەسا ئەڤ وەلاتیە یێ کێمئەندامە و ژ بلی هندێ ژی ئەو دوکاندارە،وی هیچ شیانێن چو کارێن دیتر نینە،ژ بلی ڤی کاری.
بێستون بەرزنجی، گەنجەکێ کێمئەندامە و ل لاپەرێ تایبەتیێ خۆ ل تۆرا جڤاکیا (فێسبووکێ) دا نڤێسییە: تاوانێن حەشدا شەعبی ل خورماتوو د بەردەوامن و ئەو رابووینە ب سوتنا دوکانا من.
پێشتر کاوە مەلا پەروێز،رێڤەبەرێ ئاسایشا خورماتوو، دیارکربوو:کو چەکدارێن میلیشیاتێن حەشدا شەعبی ل خورماتوو زیان گەهاندینە زێدەتر ژ ھزار مال و دوکانێن وەلاتیان ل خورماتوو.
