ل دهۆكێ قوتابیه‌كى گوله‌ك ل سینگێ خوه دا
ئه‌ڤرۆ، سالار دۆسكى
پشتى نیڤرۆ یا ئه‌ڤرۆ 18/6/2015 پشكا راگه‌هاندنێ ل رێڤه‌به‌ریا گشتى یا پولیسێن پارێزگه‌ها دهۆكێ ئاشكراكر كو قوتابیه‌كێ قوناغا نه‌هێ بنه‌ره‌ت گوله‌ك ل سینگێ خوه دایه.
رائیدێ ماف په‌روه‌ر، هێمن سلێمان محه‌مه‌د به‌رپرسێ راگه‌هاندنا پولیسێن دهۆكێ بۆ مالپه‌رێ ئه‌ڤرۆ نیۆز گۆت: شڤێدى قوتایبه‌كێ قوناغا نه‌هێ بنه‌ره‌ت ل سه‌نته‌رێ پارێزگه‌ها دهۆكێ، بناڤێ (ژ، ب ، م) گوله‌كا كلاشینكوفێ ل خوه دایه، پشتى روودانێ هاتیه ڤه‌گوهاستن بۆ نه‌خوشخانا ته‌نگاڤیان و ل بن چاڤدێرییا نوشداران دایه.
ناڤبرى هێشتا گۆت: قوتابى ژ دایك بوویێ سالا 1994 و پشتى روودانێ ڤه‌كولین ل سه‌ر بوویه‌رێ دبه‌رده‌وامن بۆ زانینا ئه‌گه‌رێن روودانێ، ئاشكراكر كو روودان ل بنگه‌هێ پولیسێن خه‌بات سه‌ر ب پشكا پولیسێن باژێرێ دهۆكێ ل رۆژهه‌لات ڤه هاتیه توماركرن.
