ل دو ياريگه‌هێن ئورۆپا گه‌فێن كريارێن تيرۆرستى هاتنه كرن و ل ئه‌مريكا ژى بزاڤێن ره‌ڤاندنا فرۆكه‌كێ
ئه‌ڤرۆ نيوز:
ده‌زگه‌هێن ميدياى يێن جيهانى راگه‌هاندن كو ل دو ياريگه‌هێن ئورۆپا ياريێن وان هاتنه پاشخستن ژ ئه‌نجامێ هه‌بوونا كريارێن تيرۆرستى و ل ويلايه‌ته‌كا ئه‌مريكا ژى كه‌سه‌ك ب تۆمه‌تا ره‌ڤاندنا فرۆكه‌كێ هاته ده‌سته‌سه‌ركرن.
ميديا ئه‌لمانى به‌لاڤكر كو ئه‌ڤرۆ ياريا هه‌ردو هه‌لبژارتيێن ئه‌لمانيا و هۆله‌ندا ناهێته ئه‌نجام دان ئه‌و بڕيار بوو د واوێ داهاتى دا هاتبا ئه‌نجام دان، به‌لێ ژ به‌ر مه‌ترسيا هه‌بوونا هێرشێن تۆندڕه‌وان، ئه‌ڤ ياريه هاته پاخشتن و نوكه پۆليسێن وى وه‌لاتى مژوولى به‌لاڤه‌كرنا و ده‌ركرنا جه‌ماوه‌رى نه ژ ياريگه‌ها هانۆڤه‌ر ئه‌وا بڕيار بوو ئه‌ڤ ياريه تێدا هاتبا ئه‌نجام دان.
ل وه‌لاتێ به‌لجيكا ژى و ب هه‌مان مه‌ره‌م ياريا وى وه‌لاتى ل گه‌ل وه‌لاتێ و ئسپانيا هاته پاشخست و پۆليسێن به‌لجيكا ئاماده‌كارى بۆ هه‌بوونا كريارێن تۆندوتيژيێ ده‌سپێكرينه.
ژ لايه‌كێ دى ڤه و دوور ژ وه‌رزشێ ل ويلايه‌تا بۆستن يا ئه‌مريكا ب بزاڤا ره‌ڤاندنا فرۆكه‌كێ كه‌س هاته ده‌سته‌سه‌ركرن پشتى پۆليسان گۆمان ل سه‌ر وى كه‌سى كرى و يێ بزاڤا كاره‌كێ ژ وى ره‌نگى دكه‌ت.
