ل دۆر ره‌وشا سوريێ تره‌مپ و پۆتن ل سه‌ر ڤان خالان رێكه‌فتن
ئه‌ڤرۆ نيوز:
رێكه‌فتنا سه‌رۆكێ ئه‌مريكا دۆنالد تره‌مپ و سه‌رۆكێ رۆسيا فلاديمێر پۆتن د به‌ياننامه‌كا هه‌ڤپشك دا ل دۆر ره‌وشا سوريا و نه‌هێلانا داعش هاته راگه‌هاندن.
تره‌مپ و پۆتن د ڤێ به‌ياننامێ دا ته‌كست ل سه‌ر گرنگيا كێمكرنا فشارێ ل وان ده‌ڤه‌ران كريه‌هه‌تا كو چاره‌ك بۆ ره‌وشا نوكه دهێته ديتن.
هه‌ردو سه‌رۆكان ب گرنگى زانيه كو هێزێن وان د په‌يوه‌نديێن ڤه‌كرى دا بن دا كو هه‌ر روودانه‌كا پاشه‌رۆژێ ب ئاگه‌هيا وان بيت ل گه‌ل بزاڤێن هه‌ڤپشك ب مه‌ره‌ما تێكشكاندنا رێكخستيا داعش.
خوه گرێدان ب سه‌روه‌رى و سه‌ربه‌خۆيا سوريا و سلامه‌تيا ئه‌ردێ وێ خاله‌كا دى يا رێكه‌فتنا هه‌ردو سه‌رۆكايه ل گه‌ل راستيا وێ چه‌ندێ كو چو چاره‌يێن له‌شكرى بۆ كێشا ل سوريا هه‌ين نينن.
هه‌ردو سه‌رۆكان رژديا وێ چه‌ندێ ده‌ربڕيه كو دڤێت سوريا ب ره‌نگه‌كێ كاريگه‌ر پشكداريێ د كريارێن ئاشتيێ يێن بهێت دا ل جنيف بكه‌ت.