ل دیدارا ل گه‌ل بارزانى ، ژاپونێ به‌حسێ بجهئینانا پرۆژه‌كێ بۆ پارێزگه‌ها دهۆك كریه
ئه‌ڤرۆ نیوز:
بالیوزێ ژاپونێ ل عیراقێ راگه‌هاند د چارچوڤێ پرۆسا ئاڤه‌دانكرنا عیراقێ دا، پرۆژێن ئاڤا هه‌له‌بجه و ئاڤا هه‌ولێرێ و به‌نداڤا دێره‌لوك ل داهاتوویه‌كێ نێزیك دێ كه‌ڤنه د بوارێ بجهئینانێ دا.
ئه‌ڤرۆ نێچیرڤان بارزانى سه‌رۆكێ حكومه‌تا هه‌رێما كوردستانێ ل گه‌ل فومیو ئیوا بالیوزێ نوو یێ ژاپونێ ل عیراقێ كومبوو و د كومبوونه‌كێ دا، بالیوزێ راگه‌هاند” پرۆژێن ئاڤا هه‌له‌بجه و ئاڤا هه‌ولێرێ و به‌نداڤا دێره‌لوك ل نێزیك دێ كه‌ڤنه د بوارێ بجهئینانێ دا.
بالیوزێ نوو یێ ژاپونێ ل عیراقێ دیاركر ژى كو پشتى ئازادبوونا عیراقێ ژ ده‌ستێ دیكتاتوریه‌تێ، حكومه‌تا ژاپون نێزیكى 7 ملیار دولار بۆ ئاڤه‌دانكرنا عیراقێ ته‌رخانكرینه كو پشكه‌كا وى پاره‌ى بۆ هه‌رێمێ بوویه.
