ل زاخۆ ژماره‌كا كه‌سان ب تۆمه‌تا كاركرنێ بۆ داعش هاتنه ده‌سته‌سه‌ركرن
ئه‌ڤرۆ نيوز:
ژێده‌ره‌كى ژ ئاسايشا زاخۆ راگه‌هاند كو 12 كه‌س ب تۆمه‌تا ئه‌ندامه‌تى و كاركرن بۆ داعش ده‌سته‌سه‌ركرن.
ژێده‌ره‌كى ژ ئاسايشا زاخۆ بۆ رووداو راگه‌هاند: 12 كه‌س ب تۆمه‌تا ئه‌ندامه‌تيێ بۆ داعش ده‌سته‌سه‌ركرينه كو خه‌لكێ مووسلن و ئاواره‌نه و د ناڤ زاخۆ و ده‌وروبه‌رێن وێ دا هاتينه ده‌سته‌سه‌ركرن و دانپێدان كريه و ڤه‌كولين ل گه‌ل وان يا به‌رده‌وامه و د ناڤ گرتيان دا كورد و عه‌ره‌ب يێن هه‌ين.
ب گۆره‌ى پێزانينان كو ژ ژێده‌ره‌كێ دى هاتينه وه‌رگرتن د ناڤ وان 12 كه‌سان دا ژنه‌ك و ئه‌ميره‌كێ داعش ژى د ناڤ دا هه‌نه.
هه‌ر ئه‌ڤرۆ رۆژا پێنجشه‌مبى رێكه‌فتى 7ى نيسانا 2016ێ جڤاتا ئاسايشا هه‌رێما كوردستانێ ده‌سته‌سه‌ركرنا توره‌كا سه‌ر ب داعش ڤه ل دوبز راگه‌هاند كو ژ سێ كه‌سان پێك هاتبوون.
