ل سالا 2020ێ ئينانا ترۆمبێلێن لێداى دێ هێته قه‌ده‌غه‌كرن
ئه‌ڤرۆ نيوز، نيوار محه‌مه‌د سه‌ليم:
وه‌زاره‌تا ناڤخۆ يا حوكمه‌تا هه‌رێما كوردستانێ د نڤيساره‌كێ دا ئاماژه ب وێ چه‌ندێ دكه‌ت كو ل سالا 2020ێ ب تنێ ترۆمبێلێن لێنه‌دايى دێ هێنه ناڤ هه‌رێما كوردستانێ.
وه‌زاره‌تا ناڤخۆ يا حوكمه‌تا هه‌رێما كوردستانێ د نڤيساره‌كێ دا كو ئه‌ڤرۆ نيوز وێنه‌ك ب ده‌ست خوه ئێخستيه، تێدا هاتيه: “ژ 1ى كانوونا دويێ 2020ێ چو ترۆمبێلێن لێداى و راستڤه‌كرى و بن ئاڤ كه‌فتى ناهێنه ناڤ هه‌رێما كوردستانێ”.
به‌حس ل وێ چه‌ندێ ژى كريه كو ب تنێ رێ دێ ب ترۆمبێلێن (Clean Title) هێته دان بهێنه ناڤ هه‌رێما كوردستانێ، ب مه‌رجه‌كى چو جهێن لێدانێ پێڤه د ديار نه‌بن.
هه‌ر د نڤيسارێ دا ئاماژه ب وێ چه‌ندێ ژى كريه كو ترۆمبێلێن سفر كيلۆمه‌تر ب گۆره‌يى مۆدێلێن رێ پێدايى و ب گۆره‌ى راپۆرتا (CarFax) و باوه‌رناما (COC) دێ هێنه ناڤ هه‌رێما كوردستانێ.
