ل سلێمانيێ رێگرى ل پێشمه‌رگه وپۆليسێن پارتى دهێته كرن بۆ ده‌نگدانێ
ئه‌ڤرۆ نیۆز،عه‌زیز هه‌ورامی
ئه‌ڤرۆ ل پارێزگه‌ها سلێمانيێ ژلايێ هيزه‌كا ئاماده يا ئێكه‌تيێ رێگرى ل پێشمه‌رگه وپۆليسێن پارتى هاته كرن كو بچنه سه‌ر سندووقێن ده‌نگدانێ وده‌نگێ خوه بده‌نه ليستا پارتى ديموكراتى كوردستان.
سه‌يوان نامق ئه‌سكه‌نده‌ر، پێشمه‌رگێ پارتى ل سلێمانيێ كو ل قوتابخانا رووناكى به‌كره‌جۆ چاڤه‌رێ ده‌نگدانێ بوو، بۆ ئه‌ڤرۆ نيوز گۆت” هێزێن ئێكه‌تى نيشتمانى كوردستان كو ل به‌رده‌م قوتابخانێ بوون، رێ ناده‌ن پێشمه‌رگێن پارتى بچنه سه‌ر سندووقێن ده‌نگدانێ وده‌نگێ خوه بده‌ن”.
مه‌ولود هه‌ورامى، پێشمه‌رگه‌كێ دى ژ پاسه‌وانێن باره‌گايێ پارتى چاڤه‌رێ ده‌نگدانێ بوو، بۆ ئه‌ڤرۆ نيوز گۆت” ژلايێ هيزێن ئێمناهيێ يێن ئێكه‌تيێ كو ل جهێ ده‌نگدانێ بوون، رێ ل مه دگۆن بچينه سه‌ر سندووقێن ده‌نگدانێ”.
دياركر ژى” زێره‌ڤانێ ل به‌ره‌رگه‌هێ، هه‌كه پێشمه‌رگه وپۆليس ئێكه‌تى بن رێ دده‌تێ بچنه دژۆرڤه وئه‌وێ پارتى بيت رێ ناده‌نێ بچيته دژۆرڤه وئارمانجا وان ئه‌وه ده‌نگێن پارتى بسوژن”.
هه‌ر ئه‌ڤرۆ هێزێن ئه‌منى په‌يامنێرێ كوردستان تى ڤى قوتا ل قوتابخانا رووناكى به‌كره‌جۆ.
كه‌نالێ كوردستان 24 كو نه‌رازيبوونێن پێشمه‌رگێن پارتى ڤه‌دگوهاست ل نێزيك قوتابخانێ، ژلايێ ئاسايشێ ڤه ژ قوتابخانێ هاته دووركرن ورێ ژى ب رومالكرنا رۆژنامه‌ڤانى نه‌دا.