ل سلێمانیێ بێهنڤەدانا فەرمی بۆ قۆتابخانان هاتە راگەهاندن
ئه‌ڤرۆ نیۆز، عه‌زیز هه‌ورامی:
سه‌رۆكی فڕاكسیۆنی پارتی له ئه‌نجوومه‌نی پارێزگای سلێمانی ده‌ڵێ، به 14 ده‌نگ ئه‌نجوومه‌نی پارێزگای سلێمانی بڕیاریدا، له به‌یانییه‌وه پشووده‌بێت تاوه‌كوو 24/4/2020 له ته‌واوی ناوه‌نده‌كانی خوێندن.
زیاد كاكه ڕه‌زا سه‌رۆكی فڕاكسیۆنی پارتی له ئه‌نجوومه‌نی پارێزگای سلێمانی، بۆ ئه‌ڤرۆ نیۆز ده‌ڵێ، ئه‌مڕۆ له كۆبوونه‌وه‌ی ئه‌نجوومه‌نی پارێزگای سلێمانی، پێشنیاری ڕاگرتنی خوێندن له خوێندنگاكان به‌هۆی مه‌ترسی نه‌خۆشی كۆرۆنا په‌سه‌ندكراو بووبه‌بڕیار له به‌یانی 26ی شوباته‌وه تاوه‌كو 24/3/2020 پشووی خوێندنگاكان ده‌بێت.
زیاد كاكه ڕه‌زا وتیشی، پێشنیاری ڕاگرتنی خوێندن له خوێندنگاكان ئه‌نجوومه‌نی پارێزگای كردبوو به دووبه‌شه‌وه به‌وه‌ی به‌شێك له‌گه‌ڵ ئه‌وه‌بوون ئه‌م پێشنیاری ڕاگرتنی خوێندن به‌رز بكرێته‌وه بۆ وه‌زاره‌تی په‌روه‌رده و ئه‌نجوومه‌نی وه‌زیران به‌ڵام زۆرینه كه 14 ئه‌ندامی ئه‌نجوومه‌ن بوون، له‌گه‌ڵ ئه‌وه‌بوون ده‌نگی له‌سه‌ر بدرێت و ئه‌نجوومه‌ن خۆی بڕیار له ڕاگرتنی خوێندن له‌ناوه‌نده‌كانی خوێندن بدات پێشنیاره‌كه خرایه ده‌نگدان و به 14 ده‌نگ بڕیاردرا پڕۆسه‌ی خوێندن ڕابگیردرێت.
ناوبراو زیاتر وتی، مه‌ترسی ڤایرۆزی كۆرۆنا بوونی له عێراق و وڵاتانی ده‌وروبه‌ر ئه‌و بڕیاره‌دراوه،تاوه‌كو هه‌موولایه‌ك دووربن له هه‌ر نه‌خۆشیه‌ك.
