ل سه‌ر ئاستێ بلند دێ كومبوونه‌ك دناڤبه‌را به‌غدا و هه‌ولێر دێ هێته‌كرن
ئه‌ڤرۆ نیوز، نه‌وزاد هلورى:
ب مه‌ره‌ما راگرتنا شه‌رى دناڤبه‌را هێزێن پێشمه‌رگه‌ى و هێزێن عیراقى دهێته چاڤه‌رێكرن كو لسه‌ر ئاستێ بلند یێ سه‌ربازى كومبوونه‌ك دناڤبه‌را هه‌ولێر و به‌غدا ل موسل بهێته‌كرن.
ل گوره‌ى زانیاریێن ئه‌ڤرۆ نیوز كومبوون تنێ دێ یا گرێداى بیت لسه‌ر پرسا راگرتنا شه‌رى دناڤبه‌را پێشمه‌رگه‌ى و هێزێن عیراقى كو دهێته چاڤه‌رێكرن هه‌زیرێ پێشمه‌رگه‌ى ب وه‌كاله‌ت دكومبوونێ دا پشكدار ببیت و سه‌روكاتیا شاندنێ سه‌ربازیێ كوردستانێ بكه‌ت.
ئه‌ڤه د ده‌مه‌كێ دایه كو دوهى حه‌یده‌ر عه‌بادى ئاگربه‌ست دناڤبه‌را هێزێن پێشمه‌رگه‌ى و هێزێن عیراقى بو ده‌ما 24 ده‌مژمێران راگه‌هاند بوو.
كه‌مال كه‌ركوكى بو K24 دوپات كر كو ئه‌ڤرۆ دێ كومبوونه‌ك دناڤبه‌را پێشمه‌رگه‌ى و سوپایێ عیراقێ هێته‌كرن بو راگرتنا شه‌رى ، و ئاماژه ب وێ یه‌كى ژى كر كو سركرداتیا كوردستانێ بریارا راگرتنا شه‌رى ل گه‌ل هێزێن عیراقى دایه و بتنێ ل حاله‌تێ به‌ره‌ڤانیێ ، پێشمه‌رگه دێ د به‌رهه‌ڤیان دا بیت.
