ل شنگال داعش ژ پێنج لايان ڤه هێرش كره سه‌ر پێشمه‌رگه‌ى
ئه‌ڤرۆ نيوز:
هێزێن پێشمه‌رگێ كوردستانێ ل ميحوه‌رێ شنگال ل سپێده‌هيا ئه‌ڤرۆ پشتى سێ ده‌مژمێران ژ هێرشه‌كا به‌فره‌هـ يا چه‌كدارێن داعش تێك شكاند كو ژ پێنج لايان ڤه بۆ سه‌ر پێشمه‌رگه‌ى ئه‌نجام دا بوو.
چه‌كدارێن داعش چه‌ند ته‌رمه‌كێن خوه يێ ل مه‌يدانا شه‌رى ل جهـ هێلاين و پێشمه‌رگه‌ى ژى ب تنێ چه‌ندێ برينداره‌كێن هه‌ين و ساخله‌ميا وان يا جێگيره و مه‌ترسى ل سه‌ر ژيانا وان نينه.
هێرشا داعش ئه‌ڤرۆ ده‌مژمێر 4:25 ده‌قيقه‌ى سپێدێ ل هه‌ر ئێك ژ لايێن دۆميز، تل قه‌سه‌ب، گر عزێر، سينو و ئۆم شه‌باب هێرش ده‌سپێكر و شه‌ر بۆ ماوێ سێ ده‌مژمێران يێ به‌رده‌وام بوو و فرۆكێن هه‌ڤپه‌يمانان هه‌ڤكاريا هێزێن پێشمه‌رگه‌ى كر و ئه‌و هێرش تێك شكاند.
