ل شنگال دو گۆڕێن دی یێن ب کۆم ھاتنە دیتن
دھۆک، لەزگین جوقی:
رێڤەبەرێ گۆڕێن ب کۆم ل شنگال دیارکر کو دو گۆڕێن دی یێن ب کۆم یێن کوردێن ئێزدی ل دەڤەرا قابووسیە و رامبووسی ل شنگال ھاتنە دیتن، دێ ل رۆژا 5/12/2017 کار ل سەر پاراستن و دێکیومێنتکرنا وان ھەردو گۆڕێن ب کۆم ھێتە کرن.
فەلاح حەسەن، رێڤەبەرێ گۆڕێن ب کۆم ل شنگال بۆ ئەڤرۆ دیارکر کو پێشبینی دھێتە کرن رۆفاتێن ب سەدان کەسان د ناڤ ڤان ھەردو گۆڕێن ب کۆم دا ھەبن، بەلێ ھەتا نوکە چو ئامارەکا دروست نینە دا کو ب دروستاھی ئاشکرا بیت چەند کوردێن ئێزدی د ناڤ وان گۆڕێن ب کۆم دانە.
ژ تەباخا 2014ێ ھەتا نوکە زێدەتری 47 گۆڕێن ب کۆم یێن کوردێن ئێزدی ھاتینە دیتن و ب سەدان کەس د ناڤ ڤان گۆندان دا بووینە.
رێڤەبەرێ گۆڕێن ب کۆم ل شنگال خۆیا کر کو ژ بەر دایخستنا رێیا شنگال بۆ دھۆک ئاستەنگ بۆ تیمێن وان دروست بووینە و گۆت: “تێمن مە نەشین ل سەر گۆڕێن ب کۆم شوول بکەن”.
