ل شه‌ڤا بوری تەقە ل باره‌گایێ لقا چار یا پارتی ل سلێمانیێ هاتیە کرن
ئه‌ڤرۆ نیۆز،عه‌زیز هه‌ورامی:
ل شه‌ڤا بوری و ل دەمێر 12 شەڤ چه‌ند كه‌سان کو د ترۆمبێلەکێ دابوون، ته‌قه ل باره‌گایێ لقا چار یا پارتی دیموكراتی كوردستان کریە ل سلێمانیێ و رەڤینە، د هه‌مان دەمدا ته‌قه ل باره‌گایێ لیژنا ناوچا چار یا پارتی کریه،دەزگەهێن ئەمنی دەست ب ڤەکۆلینان کریە.
(عه‌تا شێخ حەسەن) پەیڤدارێ ئه‌نجومه‌نێ سه‌ركردایه‌تیا پارتی ل سلێمانیێ- هه‌له‌بجه بۆ ئه‌ڤرۆ نیۆز راگه‌هاند:ل شەڤا بوری و دەمژمێر 12 چه‌ند كه‌سان دناڤ ترۆمبێلەکێ دا ته‌قه ل باره‌گایێ لقا چار یا پارتی كریه،لێ ئەو کەس رەڤینە و خۆشبه‌ختانه زیانێن گیانی نه‌بوون،د هەمان دەم دا ته‌قه ل وی باره‌گەهێ کریە،کو پێشتر باره‌گەهێ لیژنا ناڤچا چار یا پارتی بۆ ل سلێمانیێ.
(شێخ حەسەن) گوت ژی:هەر زوو ده‌زگەهێن ئه‌منی ل سلێمانیێ گەهشتینە باره‌گەهێ لقا چار و ده‌ست ب ڤەکۆلینان كریە،د نوکەدا كه‌سێ تۆمه‌ت بار ناكه‌ین،چونکی هەر زوو ته‌قه‌كه‌ر رەڤینە و ئەم نزانین چو جۆره ترۆمبێل ڤێبوو.