ل كيش سالا خواندنێ قوتابيێن پێنج سالى دێ چنه قوتابخانێ؟
ئەڤرۆ نيوز:
رێکخراوا یونسێڤ ل عیراق و ھەرێما کوردستانێ ئاشکەرا کر کو زێدەتری 300 پرۆژان بۆ دروستکرنا ئاڤاھیێن قوتابخانان ژ ئەگەرێ قەیرانا دارایی راوەستیایی نە و کەرتێ پەروەردا ھەرێمێ ژی پێدڤی ب چار ھزار قوتابخانێن دی ھەیە.
د راپۆرتەکێ دا کو دانەک بۆ ئەڤرۆ رەوانە کریە، تایێ عیراق و کوردستانێ یێ رێکخراوا یونسێف یا جیھانی کو تایێ گرێدایی پەروەردە و زارۆیانە ل رێکخراوا جیھانی یا یو ئێنێ، ئاشکەرا کریە کو ھەرێما کوردستانێ پێدڤی ب چار ھزار قوتابخانێن دی یە ل گەل نووژەنکرنا بەردەوام یا قوتابخانێن کەڤن، چونکو ھێشتا دو دەوامی و سێ دەوامی ل قوتابخان یا ھەیی، ئەڤە ژی ھەڤدژی ستاندەردێن جیھانی یە.
یونسێف خۆیا کریە ژی کو پشتی 26 سالان ژمارا قوتابخانان ژ 534 ھزار قوتابخانان بوویە ملیۆنەک و 735 ھزار و ژمارا مامۆستایان ژی ژ 21 ھزاران بووینە 136 ھزار، رێژا نەخواندەڤانیێ ژی 34% بوویە 15%ێ.
ب گۆرەی وێ راپۆرتێ نوکە زێدەتر ژ 300 ئاڤاھیێن قوتابخانێن پەروەردێ ژ ئەگەرێ قەیرانا دارایی راوەستیایی نە.
یونسێف ئاماژێ ب وێ چەندێ دکەت کو وەزارەتا پەروەردا حوکمەتا ھەرێمێ ل بەرە ل سالا 2023ێ زارۆیان ژ یێ پێنج سالیێ ل قوتابخانان وەربگرن و ئارمانجا وان ئەوە رێژا خواندنا پیشەیی ل ھەرێما کوردستانێ ژ 3% بکەنە 30% ژ بلی وێ چەندێ دڤێت پشکەکێ ژ وانەیان بکەنە ئنگلیزی، بەلێ بۆ ڤێ چەندێ ژی پێدڤی ب قانوون و رێنمایێن نوو ھەیە کو ژ پەرلەمانی ب دەرکەڤن.
