ل مووسل کوردان 150 کاندید بۆ هەلبژارتنێن پەرلەمانێ عێراقێ هەنە
ئەڤرۆ نیوز ، زنار تۆڤی :
وەسا بریارە ل 14 ڤێ هەیڤێ بانگەشەیا هەلبژارتنێن پەرلەمانێ عێراقێ دەست پێ بکەن، کوردان ل مووسل 150 کاندید هەنە، بەلێ لدووڤ گوتنا لایەنێن سیاسی ڤێ جارێ مەزنترین ئاستەنگ بانگەشەیا هەلبژارتنایه ل مووسله،هەروەسا ل وان دەڤەرێن ل ژێر کونترۆلا هێزێن عێراقی دایە.
هەروەسا ب گشتی ل پارێزگەها مووسل 907 کاندید دێ ل هەڤرکیێ ل سەر 31 کورسیان بۆ پەرلەمانێ عێراقێ کەن، بەلێ ئاسایی نەبوونا دۆخێ ئێمناهیێ ل ڤی باژێری دێ ئاستەنگان بۆ لایەنان دروست کەن ل دەمێ بانگەشەیا هەلبژارتنان دا.