ل هاڤینا ئەڤ سالە عێراق دێ بیتە دۆزەخ
ئەڤرۆ نیوز ، زنار تۆڤی :
بریكارێ وەزارەتا ساخلەمیێ بۆ كاروبارێن ژینگەهی ئاشكرا كریە،کو كۆنگرێ پاریس بۆ سەقایێ گۆیا زەڤیێ، عێراق وەك ئێك ژ وان 50 وەلاتان دیار كریە كو پلێن گەرمێ تێدا روو ل بلندبوونا زێدەتر دكەن.
جاسم فەلاح بریكارێ وەزارەتا ساخلەمیێ بۆ كاروبارێن ژینگەهێ گۆتیە ژی، پرسا هشكبوونا ئاڤێ ئێكە ژ مەزنترین هێرشان کو روو ب روو عێراقێ بوویە، عێراقێ نوکە 60% ئەو ئاڤا ژ وەلاتێن جیران ب تایبەتی ژ توركیا دهێت ژ دەست دایە، ئەڤێ ژی وە كریە،کو عێراق بەرەف هشكبوونا ب لەز بچیت و كاریگەریا ڤێ چەندێ ل سەر بلندبوونا پلێن گەرمێ یا دیارە.
هەروەسا لدووڤ راپۆرتێن كۆنگرێ پاریس بۆ دۆخێ ژینگەهێ و سەقایێ ئەردی، عێراق ب ئێك ژ وان 50 وەلاتان هژمار كریە كو دێ زۆرترین كاریگەری ل سەر هەبیت و پلێن گەرمێ تێدا دێ بلند بن.
ل عێراقێ زێدەتر 92% ئاڤ بۆ چاندنێ دهێتە ب كار ئینان، ئاڤا ڤەخوارنێ ژی ب رێژەیا 3% مفا ژێ دهێتە وەرگتن،ب گشتی برەکا زۆر یا ئاڤێ ب هەدەر دچیتە ناڤا ئاڤێن كەنداڤێ عەرەبی، ئەڤەژی ب ئەگەرێ هندێ کو گەلەک بەنداڤ نەهاتینە دروست كرن و ئاڤا دیجلەی و فوراتی ب هەدەر دچیت.