ل هه‌فتيا بهێت مووچێ وه‌زاره‌تێن پێشمه‌رگه وناڤخوه وخانه‌نشينان دێ هێته به‌لاڤكرن
ئه‌ڤرۆنيوز:
ژێده‌ره‌كى ژ وه‌زاره‌تا دارايى وئابوورى بۆ ئه‌ڤرۆ نيوز دياركر كو دده‌مێ هه‌فتيا بهێت دا، مووچێ هه‌يڤا ئێك يێ وه‌زاره‌تێن پێشمه‌رگه وناڤخوه دێ هێنه به‌لاڤكرن.
خوياكر ژى كو مووچێ خانه‌نشينێن مه‌ده‌نى وله‌شكرى ژى دهه‌فتيا بهێت دا هێته به‌لاڤكرن.
ل دووڤ وان پێزانينێن ئه‌ڤرۆ ژبه‌غدا ب ده‌ست خستين، وه‌زيرێ دارايى ل عيراقێ ب وه‌كاله‌ت كو حه‌يده‌ر عه‌بادى يه، ئيمزا ل سه‌ر هنارتنا كوژمێ 317 مليار ديناران كريه بۆ مووچێن فه‌رمانبه‌ران، كو ل مه‌ها بۆرى ژى هه‌مان كوژم هنارتبوو.
وى ژێده‌رى دياركر ژى، برياره ل ده‌ستپێكا رۆژا ئێكێ ژ هه‌فتيا بهێت (رۆژا ئێكشه‌مبى) ئه‌و پاره بۆ هه‌رێما كوردستانێ بهێته هنارتن.
به‌رى نوكه ژێده‌ره‌كى ژ وه‌زاره‌تا دارايى وئابوورى بۆ ئه‌ڤرۆ نيوز دياركربوو كو ل ده‌ستپێكا هه‌يڤا داهاتى دێ ده‌ست ب به‌لاڤكرنا مووچێ هه‌يڤا شوباتێ هێته كرن.
