ل هه‌يڤا تيرمه‌هێ ئه‌ڤ رێژا په‌ترۆلێ هاتيه ره‌وانه‌كرن
ئه‌ڤرۆ نيوز:
ب گۆره‌يى راگه‌هاندنه‌كا وه‌زاره‌تا سامانێن سرۆشتى ل حوكمه‌تا هه‌رێما كوردستانێ كو وێنه‌ك ب ده‌ست ئه‌ڤرۆ نيوز كه‌فتيه هاتيه: “حوكمه‌تا هه‌رێما كوردستانێ د هه‌يڤا بۆرى دا، 16 مليۆن و 19 هزار و 90 به‌رميلێن په‌ترۆلێ ره‌وانه‌كرينه”.
زێده‌تر هاتيه: “ژ وێ رێژێ، 12 مليۆن و 20 هزار و 683 به‌رميلێن په‌ترۆلێ يێن بيرێن هه‌رێما كوردستانێ بووينه و سێ مليۆن و 988 هزار و 407 يێن بيرێن په‌ترۆلا كه‌ركووكێ بووينه”.
ده‌رباره‌ى ئه‌و په‌ترۆلا ب رێيا سۆمۆ هنارتى ژى دايه زانين كو هه‌رێمێ دو مليۆن و 201 هزار و 540 به‌رميلێن په‌ترۆلێ راده‌ستى كۆمپانيا سۆمۆ كرينه.
نه‌ڤه‌شارتيه ژى كو ل هه‌يڤا بۆرى 111 ده‌مژمێران نه‌شياينه په‌ترۆلێ ره‌وانه بكه‌ن و پتريا وێ ژى ل دووماهيا هه‌يڤا بۆرى بوو.
