ل پارێزگه‌ها دهوكێ پترى هزار و 400 كه‌س چاڤه‌رێ لێبۆرینا گشتى دكه‌ن
ئه‌ڤرۆ نیۆز، ره‌مه‌زان هه‌رنى :
جێگرا سه‌روكێ لێژنه‌یا مافێ مروڤ ل په‌رله‌مانێ كوردستانێ دیاركر , سێ پروژه یاسایێن لێبورینا گشتى هه‌بوون دوو ژوان به‌ریا دوسالا كارلسه‌ر هاتبۆكرن پروژێ دوماهیێ ژى كومبونه‌ك لسه‌ر هاتیه كرن كو لێژنه‌یێن یاسایى و مافێ مروڤ ئێمناهێ و نافخو به‌رهه‌ڤ ببۆن ل گه‌ل هه‌شت داده‌وه‌رێن هه‌رێما كوردستانێ و دادگه‌ها ته‌میز نونه‌رێ وه‌زاره‌تا كارو بارێن جڤاكى و رێڤه‌به‌رێن چاكسازیێن دهوك و هه‌ولێر و سلێمانیێ چه‌ندین پێشنیارو دیتنێن وان هاتنه وه‌رگرتن ل دور لێبورینا گشتى ئه‌م یێ كار دكه‌ین كو ببیته به‌رنامه‌یێ كارى په‌رله‌مانى و كار لسه‌ر بكه‌ین و په‌رله‌مان په‌سه‌ند بكه‌ت.
فه‌یروز ته‌ها ئاكره‌یێ جێگرا سه‌روكێ لێژنه‌یا مافێ مروڤ ل په‌رله‌مانێ كوردستانێ بۆ ئه‌ڤرۆ نیۆز خویاكر , ل كوردستانێ 4 هزارو 841 كه‌س چاڤه‌رێ لێبۆرینا گشتى دكه‌ن كو نوكه د چاكسازیێن كوردستانێ ڤه نه ژوێ رێژه‌یێ 971 تاوانێن كوشتنێ نه 1242 كه‌س ب تومه‌تا تیرورێ و 680 كه‌س لسه‌ر مادێن هوشبه‌رو قه‌ده‌غه‌كرى 585 ته‌ریقه‌نه و 230 جودا جودانه و خه‌لكێ بیانى نه.
جێگرا سه‌روكێ لێژنه‌یا مافێ مروڤ گوتژى : ل سنورێ پارێزگه‌ها دهوكێ 1418 كه‌سن یێن مه‌حكوم و 1400كه‌س ل سلێمانى پتر ژ 1300 كه‌سا ل هه‌ولێرێ ئافره‌ت ژى دناڤ ڤان گرتیان دا هه‌نه ، ئه‌م دێ بزاڤێ كه‌ین ب زوترین ده‌م ئه‌ڤ بریاره بكه‌ڤیته به‌رنامه‌یێ كارى و بهێته په‌سه‌ند كرن، مه راپورته‌ك به‌رهه‌ڤ كریه دێ ئاراسته‌ى سه‌روكایه‌تیا په‌رله‌مانى كه‌ین ل دور لێبورینا گشتى بۆ زیندانیێن كوردستانێ.