ل چه‌مانكێ 14 کەس ژەھراوی بوون
ئه‌ڤرۆ نیوز، له‌زگين جۆقى:
د. نزار عیسمەت رێڤەبەرێ گشتی یێ ساخلەمیا پارێزگەھا دھۆکێ دیارکر کو ل دەڤەرا جەمانکێ ژ ئەگەری غازا دویێ یا ئوکسیدا کاربۆن 14 کەس ژەھراوی بووینە، ھەر 14 کەس بۆ نەخۆشخانا ئازادی و ھیڤی و ھاوار ھاتنی ل دھۆکێ ھاتینە رەوانەکرن و نوکە رەوشا ھەر 14 کەسان گەلەک یا باشە و چو مەترسیی ل سەر ژیانا وان نینە، ھەموو د بەرھەڤن بھێنە رەوانەکرن بۆ مال. رەوش ل ژێر کونترۆلێ یە، ھەموو جۆرێن چارەسەریێ بۆ ڤان نەخۆشان ھاتینە کرن.
گۆتژی: “ھەر روودانەکا ھوسا یا نەچاڤەریکرێ روو بدەت د بەرھەڤین د ھاوارا خەلکی بچین، وەلاتیان پشت راست دکەین ھەر روودانەکا ھوسا روو بدەت دێ ھێتە کونترۆل کرن ل نەخۆشخانەیان، ھەموو پێدڤی ھەنە و ئیدارا پارێزگەھا دھۆکێ دەست ب دووڤچوونێ کریە ل سەر ئەگەران و نەھێلانا روودانا حالەتەکێ ھوسا یێ ژەھراویبوونا وەلاتیان”.
ژ لایەکێ دی ڤە، د. نزار بەکر رێڤەبەرێ نەخۆشخانا ھیڤی یا زارۆیان ل دھۆکێ دیارکر کو سەرجەمێ ١٤ کەسێن ژەھراوی بووین حەفت ژی زارۆنە، ژیێ وان سالەک ھەتا ١٤ سالیێ نە ب تنێ رەوشا دو زارۆیان پێدڤی ھندێ دکر بکەڤنە دبن ئوکسجینێ دا، ھەتا بوویە سپێدەھیا ئەڤرۆ 9-7-2018 رەوشا ھەر پێنچ زارۆیێن دی یا باشە چو مەترسیەک ل سەرڤان زارۆیان نینە، دێ ھەموو ژ نەخۆشخانێ ھێنە دەرخستن، دێ چنە ناڤ خێزانیێن خوە.