ل ڕۆژێن بهێت پارێ جوتیارێن هەرێمێ دێ گەهيت
ئەڤرۆ نیۆز، قائید میرۆ
بەرپرسەكێ حوكمەتا هەرێما كوردستانێ ئاشكراكر، چەكێ پارێ گەنمێ جوتیاران چەند رۆژەكە گەهشتیە هەرێما كوردستانێ و دبێژیت، هەردەمێ رێكارێن كارگێڕی تەمامبوون ، دێ پاره ژ بەغدا گەهیتە بانكێن كوردستانێ.
نەوزاد ئەدهەم، رێڤەبەرێ گشتیێ بارزگانی ل هه‌ريما كوردستانێ بۆ ئەڤرۆ نیۆز دیاركر” چەكێ 2018ێ یێ پارێ جوتیارێن هەرێما كوردستانێ گەهشتیە و نوكە كار یێ دهێتەكرن هەموو رێكارێن كارگێڕی بهێنە تەمامكرن و د ددوڤدا دێ پارە ژ بەغدا گەهیتە هەرێما كوردستانێ، چونكى هەتا رۆتینیاتێن بەری هاتنا پارەی تەمام نەبن، پارە ژ بەغدا ناگەهیتە بانكێن هەرێما كوردستانێ”.
نەوزاد ئەدهەم ئاماژە كر” بڕیارە هەموو پارێ ئەڤ سالە 2018ێ بهێتە بەلاڤكرن و چاڤەڕێ دكەین ل ده‌مه‌كێ نێزیك پارە بگەهیت، لەوڕا هەردەمێ پارە گەهشت، ئێكسەر دێ جوتیار هێنە ئاگەهداركرن بۆ وەرگرتنا پارێ خوە”.
