ل ڤی دەمی دێ بانگەشەیا هەلبژارتنان راوەستیت
ئەڤرۆ نیوز ، زنار تۆڤی:
بەرپرسەکێ كۆمسیۆنا بلند یا سەربەخۆیا هەلبژارتنان ئاشكرا دکەت ،کو حەفتیا بهێت دێ دوماهی وادەیێ بانگەشەیا هەلبژارتنێن عێراقێ بیت ل هەرێما كوردستانێ و دڤێت كاندید بانگەشەیا خوە رابگرن.
زانا گەردی بەرپرسێ راگەهاندنا دەستەیا هەلبژارتنێن هەرێما كوردستانێ ل كۆمسیۆنا بلند یا سەربەخۆیا هەلبژارتنێن عێراقێ گوت، بانگەشەیا هەلبژارتنان ل حەفتیا داهاتی دێ ب دوماهی هێن و دڤێت كاندید پێڤە پابەند بن.
هەروەسا گوتیە،لدووڤ رێنمایێن كۆمسیۆنێ دڤێت كاندید 24 دەمژمێران پێش ڤەکرنا دەرگەهێن بنگەهێن هەلبژارتنان بانگەشەیا خوە رابگرن و ب وێ قانوونێ پابەند بن.
گەردی دیارکریە ژی،ل رۆژا ئەینیا بهێت کو د بیتە 11 گولانێ و ل دەمژمێر حەفتێ سپیدێ دڤێت بانگەشە بهێتە راگرتن و نابیت چو كاندید بانگەشێ بکەن.
