ل ڤێ ناحیا پارێزگەھا دھۆکێ زورترین رێژەیا نووکان ھاتینە چاندن
ئەڤرو نیوز ، نەوزاد ھلۆری:
ل سنوورێ قەزا شێخان ب گشتی و ناحیا قەسروک ب تایبەتی زوترین رێژەیا نووکان ھاتیە چاندن ، بەرامبەر سالێن بووری رێژەیا بەرھەمئینانا نووکان زێدەتر بوویە.
ئەندازیارێ چاندنێ ” ئەنوەر خدر ” رێڤەبەرێ بنگەھێ شیرەتکاریا قەسروک بۆ ئەڤرو نیوز گۆت: (سنوورێ قەزا شێخان ب چاندنا ھەموو جورێن چاندن و دەرمامەتان بناڤ و دەنگە و ئێک ژ وان چاندێن کو ئەڤ سال رێژەیەکا باش ھاتیە چاندن و بویە جھێ گرنگیدانا جوتیاران چاندنا نووکان بوویە ب شێوەیەک ئەڤ سال بەرامبەر سالێن بوری زورترین نووک ھاتینە چاندن)
زێدەتر گۆت: (ئەڤ سالە ل سنوورێ قەزا ناحیا قەسروک نێزیکێ ٢٥ تەنێن نووکان ھاتینە چاندن ئەڤە ژ بلی دەڤەرێن دن ێن سەر ب قەزا شێخان ، دھێتە پێشبینیکرن کو ھەر ئێک تەنا نووکان ١٠ تەنێن نووکان بەرھەمی بینن)
رێڤەبەرێ بنگەھێ شیرەتکاریا چاندنێ ل قەسروک دیارکر ژی کو ئەو دخوازن حکومەتا ھەرێما کوردستانێ زێدەتر گرنگیێ ب کەرتێ چاندنێ بدەت و گۆت ژی: (پێدڤی یە حکومەت ھەر نھا دەست ب ھەڤکاریان بۆ جوتیاران بکەت و گرنگترین ھەڤکاری ژی ئەوە کو نەھێلیت بەرھەمێن بیانی بھێنە نافخوە و باجێ بێخیتە سەر داکو بەرھەمێن جوتیارێن نافخوە بھێتە فروتن)
شەرێ داعش و قەیرانا دارایی و نەبوونا دەلیڤێن کاری و گیروبوونا موچەیان بھێزترین ئەگەرێن زێدەتر بەر ب پێشڤەچوونا ھەموو جورێن چاندنێ یە ل سنوورێ قەزا شێخان و دەڤەرێن دن ، رێڤەبەرێ ناڤبری ھوسا گۆت.
ل گورەی زانیاریێن ئەڤرو نیوز تەنا نووکان ل ھەرێما کوردستانێ دناڤبەرا ١٢٥ ھزار بو ٢٠٠ ھزار دیناران دھێتە فروتن و لسەر جورێ وێ دمینیت ، و ل ھەرێما کوردستانێ دوو جورێن نوکان دسەرکەفتی نە ئەو ژی نووکێن زەر و نووکێن رەش.
