ل ڤێ چارشەمبیا بهێت دێ ناڤێن ھندەک وەزیرێن حوکمەتا نوو یا عیراقێ هێنە ئاشکرا کرن
ئەڤرۆ نیوز ، زنار تۆڤی:
پشتی ژ لایێ سەرۆک کۆماری ڤە هاتیە راسپاردن بۆ پێکئینانا حوکمەتا نوو یا عیراقێ، سەرۆک وەزیرێ راسپاردیێ عیراقێ راگەھاندیە، کو ل رۆژا چارشەمبیا بھێت دێ پشکەکا کابینا نوو یا حوکمەتا عیراقێ ئاشکرا کەت.
ئۆفیسا عادل عەبدولمەھدی سەرۆکێ راسپاردی یێ حوکمەتا عراقێ د بەیانەکێ دا راگەھاندیە، کو رۆژا چارشەمبیا بھێت، دێ ناڤێن پشکەکا وەزیرێن کابینا نوو یا حوکمەتا عیراقێ ھێنە ئاشکراکرن، لێ هەتا نوکە ناڤێن چو وەزیران د حوکمەتا نوودا ب فەرمی نەهاتینە ئاشکرا کرن.
