ل کۆمەلگەها قەدشێ دو مارکێت هاتنە سزادان
ئەڤرۆ نیوز، مەحمود نهێلى:
لژنا ئابوورى یا قەزا ئامێدیێ د لێگەریانەکى دا ل کومەلگەها قەدشێ، ئەڤرۆ 29/4/2020 دەست ب سەر رێژەکا کەرەستێن ماوە ب سەرڤە چوویى دا گرتن و مارکێتەک و کلینکەکا نۆشدارى ژى ژ بەر نەپێگرى کرن ب رێنمایان سزادان.
کاروان حاجى سەعید، بەرپرسێ بنگەهێ چاڤدێریا بازرگانى ل قەزا ئامێدیێ بۆ ئەڤرۆ نیوز دیارکر، ژ بۆ پتر کونترولکرنا بازارى و پاراستنا ساخلەمیا وەلاتیان ئەو بەردەوام ل سەر هەموو بازارێن سنورێ قەزا ئامێدیێ دگەرن و گۆت: ( ل کومەلگەها قەدشێ یا سەر ب ناحیا سەرسنکێ ڤە وان دەست ب هژمارەکا کەرەسەتیێن ئێکسپایر دا گرتینە و هەروەسا مارکێتەک و کلینکەکا نۆشدارى هەر ئێک ب کوژمێ 100 هزار دیناران هاتنە سزادان).
ناڤهاتى ئاشکرا کر، کو دەست ب سەر جورەکى شیرى دا ژى هاتیە گرتن کو ل گور کونترۆلا جۆرى ب کێر ڤەخوارنێ ناهێت و دڤێت بهێتە ژناڤبرن.