ل کەمپێن ئاواران شووکرنا کچێن بن 18 سالیێ دا د زێدەبوونێ دایە
ئه‌ڤرۆ نيوز:
بەرپرسا ئەنجوومەنێ ئافرەتێن قەزا شنگال دیارکرکو پێکئینانا خێزانێ ل پێ شوەخت دناڤ ئاوارێن ئێزدی دا ل کەمپێن ئاواران بەر ب زێدەبوونێ یە، ھەمان بەرپرسا ئافرەتان ھیڤی خواستن کچ و کور خوە ژ پێکئینانا خێزانا ل پێ شوەخت دوور بێخن.
ڤیان خەلەف، بەرپرسا ئەنجوومەنێ ئافرەتێن قەزا شنگال، بۆ ئەڤرۆ دیارکر کو ل دناڤ ئاوارێن ئێزدی دا ل کەمپان و ھەتا ژ دەرڤەی کەمپان ژی پێک ئێنانا خێزانا پێ شوەخت یا زێدەدبیت ژئەگەری خرابیا رەوشا خەلکێ وبارێ ئابووری، ئەو ژی گۆت: شووکرنا کچان دبن ژیێ 18 سالیێ دا ئاریشە پەیدا دبن و حالەتێن جودابوون و چێبوونا ئاریشان دووڤ خوە دا دھێلن و ئەڤە ژ ئەنجامێ پێکئینانا خێزانێ یا پێشت وەخت بوویە.
ھەمان چالاکڤان گۆت: نوکە یێ بزاڤا دکەین ب رێکا گێرانا سمینار و وورک شوپان دناڤا کچان دا کو ڤێ دیاردێ نەھێلین و بزاڤا دکەین کچێن کێمتر ژ 18سالیێ شوو نەکەن، چونکە کچێن ڤی ژی دا شوو بکەن بەرھەڤ نینن بۆ ب رێڤەبرنا خێزانێ، پشتی چەند سالان تووشی ئاریشان دبن ل گەل ھەڤژینێن خوە پێدڤی یە خەلکێ مە خوە دوور بکەن ژ حالەتێن دانا شووکرنا کچان ل بن ژیێ 18 سالیێ دا.
