ل ھەرێما کوردستانێ بازرگانیا ترۆمبێلا ل گەل داعش ھاتیەکرن
ھەولێر، قائید میرۆ:
پشتی ئاشکرابوونا مەلەفێ بازرگانیا پتڕۆلێ ژ لایێ ھژمارەکا وەلاتیێن ھەرێما کوردستانێ ل گەل گرۆپا تیرۆرستیا داعش، ب گورەی زانیاریێن ل به‌ر ده‌ست ھژمارەکا زۆرا ترۆمبێلێن ژ جۆرێ پیکئاپ ل ھەرێما کوردستانێ چووینە دەڤەرێن بن کۆنتڕۆلا داعش.
عومەر کۆچەر، سەرۆکێ لیژنا نەزاھێ یا پەرلەمانێ کوردستانێ بۆ ئەڤرۆ نیۆز گۆت: “ب فەرمانا سەرۆکایەتیا جڤاتا وەزیرێن ھەرێما کوردستانێ لیژنەیەک ب سەرپەرشتیا کەریم شنگالی وه‌زيرێ ناڤخۆ و دو نوونەرێن پەرلەمانی ھاتە پێک ئینان بو دووڤچوونا پرسا بازرگانیا ل گەل داعش ھاتەکرن، د ئەنجام دا ھەژمارەک وەلاتيان ھاتنە دەستەسەرکرن”.
کۆچەر دیارکر، لێ ئەڤێن بازرگانی ل گەل داعش کرین، تنێ بازرگانیا نەفتێ نەبوویە، بەلکۆ بازرگانیا زۆر تشتا بوویە ژ وانا فرۆتنا ترۆمبێلان ب گرۆپا تیرۆرستیا داعش و چەندین تشتێن دى ژی “من زانیاری نینن ئەف وەلاتیێن ب تۆمەتا بازرگانیا ل گەل داعش ھاتینە دەستەسەرکرن ھاتبنە ئازادکرن يان نه”.
