ل ھەیڤا رەمەزانێ دێ بەھرا وەلاتیان ژ ئاھێن خوارنێ ھێتە زێدەکرن
ئه‌ڤرۆ:
رێڤەبەرێ کومپانیا گشتی ئاھێن خوارنێ ل پارێزگەھا دھۆکێ ئەحمەد تەھا بۆ ئەڤرۆ دیارکر ئەڤ سالە گیروبوون د بەلاڤکرنا بەھرا وەلاتیان ژ ئاھێن خوارنێ دا دروست نەبوویە و بتنی شەکر نەبیت کو گیروبوویە، ھیشتا نەگەھشتیە و بۆ ڤێ ھەیڤێ ھەتا بشێن دێ دەست بەلاڤکرنا وێ کەین ل سەر وەلاتیان.
شەوکەت محەمەد رێڤەبەرێ کومپانیا گشتی ئاھێن خوارنێ سلیمانیی دیارکریە کو سالانە ل ھەیڤا رەمەزانێ،بەھرا وەلاتیان یا ئاھێن خوارنێ زێدە دبیت، ئەڤ سالە ژێ ھەیڤا رەمەزانێ دێ ئاھێن خۆارنێ ھێنە زیدەکرن وەکو شەکر وبرنج وئار وزەیت لێ ھیشتا چوو نڤیسارێن فەرمی ژ بەغدا نەگەھشتینە مە .
ناڤبری ئەو چەندە گوت:ژلایێ جۆری و کوالیتێ ڤە ژێ دێ ئاھێن خوارنێ یێن باش ھێنە دان وچوو رێنمایێن تایبەت ھیشتا ژ بەغدا نە ھاتینە کو دێ چەوا بیت.
شەوکەت مەحمەد دا زانین ژێ بریارا قەربەبوولکرنا وەلاتیان ژ پێش ئاھێن خوارنێ یێن نەھاتینە بەلاڤکرن ژلایێ وەزارەتا بازرگانیی یا عێراقێ ڤە یا دەرکەڤتێ لێ ھیشتا رێنما نەھاتینە دانان و وەزیری بازرگانیێ ل عیراقێ یا پشت راستکری کو بەرنامەکێ زۆر باش ھاتیە دانان بۆ دابەشکرنا ئاھێن خوارنێ ب سەر وەلاتیان.
