ل ھەیڤا نیسانێ دێ زێده‌ترى 15 دەمژمێران کارەبا نشتیمانی ھەبیت
ئەڤرۆ نيوز:
رێڤەبەرێ گشتی یێ کۆنترولا کارەبا ھەرێما کوردستانێ دیار کر کو د ڤی وەرزی دا خواست ل سەر کارەبێ ھەتا ڕادەکی کێم دبیت و دبێژیت: د ھەیڤا نیسانێ دا دێ دەمژمێرێن دانا کارەبا نشتیمانی بۆ وەلاتیان زێدە بن.
ئومێد ئەحمەد، رێڤەبەرێ گشتی یێ کۆنترولا کارەبا ھەرێما کوردستانێ ڕاگەھاند، ژ ئەگەرێ کێمبوونا خواستا وەلاتیان ل سەر بکارئینانا کارەبێ و چێکرن و سەخبێریکرنا یەکێن بەرھەمئینانا کارەبێ ل ھەرێما کوردستانێ و بۆ مالپەرێ ئێن ئار تی گۆت: “د ھەیڤا نیسانێ دا ئەم دشێین پتر ژ 15 دەمژمێران کارەبا نشتیمانی بۆ وەلاتیان دابین بکەین”.
ناڤبری ئاشکرا ژی کر، د ھەیڤا ئادارێ دا وەزارەتا کارەبێ نێزیکی 12 دەمژمێران کارەبا نشتیمانی دایە وەلاتیان.
رێڤەبەرێ گشتی یێ کۆنترولا کارەبا ھەرێما کوردستانێ ئاماژە ب وێ چەندێ ژی کر کو د نوکە دا ئەو کارەبا ل ھەموو وێستگەھێن بەرھەمئینانا کارەبێ ل ھەرێما کوردستانێ دھێتە بەرھەمئینان دو ھزار و 500 مێگاواتن و گۆت: “بۆ دابینکرنا کارەبا نشتیمانی بۆ وەلاتیان کو 24 دەمژمێران ھەبیت، مە پێدڤی ب سێ ھزار و 300 مێگاواتێن کارەبێ ھەیە”.
