ل 20 ئۆكتۆبەرێ خەلك دێ داستانەكا دی تۆمار كەت و نەحەزا سەرشۆر كەت
مەسرور بارزانی، جێگرێ سەرۆكێ پارتی دیموكراتی كوردستان پشكداری د كەرنەڤالەكێ جەماوەری بۆ سەرئێخستنا لیستا 190 یا پارتی، ل باژێرێ سۆران كر.
جێگرێ سەرۆكێ پارتی دیموكراتی كوردستان پەیڤەك پێشكێشكر و تێدا ئاماژە ب وێ چەندێ كر، خەلكێ دەڤەرا سۆران خوەشحالم كو دبینم هەوە بڕیار دایە پارتی یا سەركەفتی بیت، ئەڤرۆ ل مەلبەندێ بارەگەهێ بارزانیێ نەمر ل وی جهێ كو شۆڕەشا ئیلۆنێ سەركردایەتییا مەزنترین بزاڤا رزگاریخوازا كوردستانێ دكر، یێن كۆمبووین بۆ وێ چەندێ دوماهی بڕیار د هەلبژارتنێن داهاتیدا بدەین و لیستا پارتی دیموكراتی كوردستان سەربێخین.
مەسرور بارزانی گۆت ژی» ل 20 ئۆكتۆبەرێ خەلك دێ داستانەكا دی تۆمار كەت و نەحەزان سەرشۆر كەت».
گۆتژ ی» چاوان ل شۆرشەشێن ئیلۆنێ و گۆلانێ ئەڤ چیایە، هندرین، زۆرز و قەلەندەر و حەسن بەگ، جهێن تۆماكرنا داستانان بوون، خەلكێ ڤێ دەڤەرێ دێ ل 20 ئۆكتۆبەرێ داستانەكا دی تۆمار كەن كو هەموو نەحەزێن پارتی سەرشۆر بن و پارتی دێ سەركەڤیت و هەر یا ئێكێ دێ مینیت».
هەڤدەم باس ل وێ چەندێ كر، دڤێت ل بیرا مە بیت پشتی چەند رۆژێن دی دێ چینە سەر سندووقێن دەنگدانێ، دەم ئەم دەنگی خوە ددەین بڕیارێ ل چارەنڤیسێ وەلاتی و شێوازێ حوكمڕانیێ ددەین، دڤێت د هشیار بین كو حوكمڕانییا داهاتی دێ رادەستی كێ كەین، دڤێت بزانین بۆریێ ڤان ئالییان كو داخواز دكەم ل ڤان هەلبژارتناندا دەنگ و باوەرییا خەلكێ كوردستانێ وەرگرن دڤێت بزانن ئەو كینە و بۆریێ وان چییە و چ بەرنامەیەك هەیە و ئەڤ بڕیارێن هەوە چارەنڤیسێ هەوە و نەڤیێن هەوە دیار دكەن، گەلەك ب هووری بڕیارا خوە بدەن.
مەسرور بارزانی، ئاماژە ب درووشمێ ئالییان كر و گۆت» وان چ درووشن بۆ هەوە نینە، دەمێ باسێ باشتركرنا رەوش و ژیارا هەوە بكەن، تنێ درووشمێن ئالییان هەموو بۆ بێئومێدكرنا خەلكێ هەرێما كوردستانێیە».
جێگرێ سەرۆكێ پارتی دیموكراتی كوردستان ئەوژی گۆت» ئەو دبێژنە مە دێ دوماهیێ ب هەوە ئینین و دێ هەوە راگرین، نەكو نوكە بەلكو ژ دەستپێكا دروستبوونا پارتی هەتا نوكە گەلەك ژ وان ئالییان هەبوون كو هیچ ئارمانجەك نەبوو ژبلی وێ چەندێ ئاستەنگان بۆ پارتی دروست بكەن و نەهێلن پارتی سەركەڤیت و ئەو مللەتە بگەهیتە كنارێ ئارامیێ، د بزاڤێن خوەدا د بەردەوامن بۆ راگرتنا كاروان و خەباتا خەباتكەرێن پارتی بۆ وێ چەندێ خەلكێ كوردستانێ نەگەهنە ئارمانجێن خوە».
مەسرور بارزانی دوپاتكر» هەر وەكو چاوان ل دەمێن بۆری ئەو ئالی نەشییان پارتی رابگرن نوكە ژی نەشێن پارتی رابگرن، نەشێن پارتی ب راوەستینن و بگەهنە ئارمانجێن خوە یێن چەپەل».
دوپاتكر ژی» بۆ وێ چەندێ كێشەیا مادەیێن بێهۆشكەر بهێتە چارەسەركرن، دڤێت ئەو كارگەهێن بۆ مادەیێن بێهۆشكەر هاتینە دروستكرن، بهێنە تێكدان. بۆ وێ چەندێ گەندەلی نەمینیت، ئەوێن پارەی سپی دكەن و ب فرۆكەیێن تایبەت پارەی ژ وەلاتی دبەنە دەرڤە، دڤێت ئەو نەمینن».
مەسرور بارزانی ئاماژە ب وێ چەندێ ژی كر» پارتی یا خۆڕاگربوو، خۆراگربوو بەرامبەر پیلانێن نەحەزن و دوژمنان، ژ نوكە و پێڤە ژی بەرامبەر هەر مەترسییەكێ دێ یا خۆڕاگر بیت، ب پشتەڤانییا خودای و ب هاریكاری و پشتەڤانییا هەوە پارتی چو جاران ژ هیچ دوژمنەكی نە ترسییایە و ژ نوكە و پێڤە ژی ناترسیت، چاوان یا خۆڕاگربوو ژ نوكە و پێڤە ژی دێ یا خۆڕاگر بیت».
جێگرێ سەرۆكێ پارتی دیموكراتی كوردستان رۆهنكر ژی» پارتی دخوازیت دوماهیێ ب دەستهەلاتا دز و جەردە بینیت و قانوون سەروەر بیت د ڤی وەلاتیدا».
