ماكرۆن بۆ تره‌مپ: پێدڤيه ب زووترين ده‌م ئه‌ڤ شه‌ره بهێته راگرتن
ئه‌ڤرۆ نيوز:
سه‌رۆكێ فره‌نسا داخوازێ ژ دونالد تره‌مپ سه‌رۆكێ ئه‌مريكا دكه‌ت ب زووترين ده‌م هێرشا توركيا بۆ سه‌ر سوريا (رۆژئاڤايێ كوردستانێ) بهێته راگرتن.
ئيمانوێل ماكرۆن سه‌رۆكێ فره‌نسا د په‌يوه‌نديه‌كا تله‌فۆنى دا ل گه‌ل سه‌رۆكێ ئه‌مريكا دونالد تره‌مپ ته‌كست ل سه‌ر وێ چه‌ندێ كر، “دڤێت رێ ل ده‌ركه‌فتنا داعش بهێته گرتن ل ده‌ڤه‌رێ و پشته‌ڤانيا وان بهێته كرن يێن ل سه‌ر ئه‌ردى پشته‌ڤانيا مه كرى ل دژى تيرۆرستان (هێزێن سوريا ديموكرات)”.
ب گۆره‌ى راگه‌هاندنه‌كا كۆچكا ئيليزێ يا فره‌نسا سه‌رۆكێ فره‌نسا د په‌يوه‌نديا تله‌فۆنى دا گۆتيه: “پێدڤيه ب زووترين ده‌م هێرشا توركيا بهێته راوه‌ستاندن”.
هه‌ر ديسا د راگه‌هاندنێ دا ئاماژه دايه وێ چه‌ندێ كو فره‌نسا و ئه‌مريكا هه‌مان دلته‌نگى هه‌يه سه‌باره‌ت وێ پرسێ، هه‌ماهه‌نگيا مۆكم دێ د رۆژانێن بهێت دا هه‌بيت.