مالكى دێ ده‌ست ژ پۆستێ خوه به‌رده‌ت؟
ئه‌ڤرۆ نيوز:
په‌رله‌مانتاره‌كا ده‌وله‌تا قانوونێ راگه‌هاند كو هه‌ڤپه‌يمانيا ده‌وله‌تا قانوونێ پشته‌ڤانيا پێنگاڤێن حه‌يده‌ر عه‌بادى يێ سه‌رۆك وه‌زيران ل سه‌ر هه‌رسێ ئاسان دكه‌ت و نورى مالكى ژى يێ ئاماده‌يه بۆ سه‌ركه‌فتنا عه‌بادى ده‌ست ژ پۆستێ خوه به‌رده‌ت.
عاليا نوسه‌يف گۆت: “د كۆمبوونا حزبا ده‌عوه دا ب سه‌رۆكاتيا نورى مالكى و ب ئاماده‌بوونا عه‌بادى دانوستاندن ل سه‌ر چاوانيا بجهئنانا چاكسازى و ميكانيزما پشته‌ڤانيكرنا سه‌رۆكێ حوكمه‌تێ هاته كرن”.
زێده‌تر گۆت: “مه دڤێت عه‌بادى سه‌ركه‌ڤيت، چه‌نكو ئه‌ندامێ هه‌ڤپه‌يمانيا مه‌يه، ژ به‌ر هندێ نورى مالكى جێگرێ سه‌رۆك كۆمارى ئاماده‌يا خوه نيشان دايه بۆ ده‌ست به‌ردان ژ پۆستێ خوه د پێناڤى پشته‌ڤانيكرنا حوكمه‌تێ و سه‌رخستنا وێ”.
