مالكى ناچيته هه‌له‌بچه و رێگرى ل خۆنيشادانا دژى وى هاته كرن
ئه‌ڤرۆ نيوز:
نورى مالكى، سه‌رۆك وه‌زيرێ به‌رێ يێ عيراقێ و ئه‌ميندارێ گشتيێ حزبا ده‌عوه لێڤه بوو و سه‌ره‌دانا هه‌له‌بچه ناكه‌ت.
ب ده‌هان گه‌نجێن هه‌له‌بچه وه‌كو نه‌رازيبوون ل هه‌مبه‌ر هاتنا نورى مالكى دڤيا خرڤه‌بوونه‌كا نه‌رازيبوونێ ئه‌نجام بده‌ن، به‌لێ ژ لايێ ده‌زگه‌هێن ئه‌منى ڤه رێگرى لێ هاته كرن.
هه‌ردى حسێن رێكخه‌رێ خۆنيشانده‌رێ بۆ رووداو گۆت: “پشتى ئه‌م كۆمبووين بۆ ئاماده‌كارى بۆ خۆنيشاندانێ هێزێن ئه‌منى ئه‌م به‌ربه‌لاڤ كرين و دو ژ هه‌ڤالێن مه ده‌سته‌سه‌ركرن”.
ئێك ژ كه‌سێن سه‌ر ب ده‌زگه‌هه‌كێ ئێمناهيێ بۆ رووداو گۆت: “ژ به‌ر نه‌گونجايى يا جهێ خۆنيشاندانێ ئه‌م نه‌چار بووين به‌لاڤ بكه‌ين”.