مالپه‌ره‌كێ بريتانى: هه‌ولێر پێنجه‌مين باژێرێ ئارامه ل جيهانێ
ئه‌ڤرۆنيوز:
مالپه‌رێ (ده‌يلى مه‌يل) يێ بريتانى دراپۆرته‌كێ دا ناڤێ 50 باژێرێن ئارام ل جيهانێ دخشته‌كى دا به‌لاڤكر وتێدا ئه‌گه‌رێ ئاراميێ وديرۆكا وان باژێران دبوارێن جودا جودا به‌حسكر.
ئێك ژ وان بوارێن كو وى مالپه‌رى دياركرى، هه‌بوونا ئاراميێ يه ل وان 50 باژێران دا، كو باژێرێ هه‌ولێرێ دناڤ وان 50 باژێران دا د رێزا پێنجێ بوو كو پشتى هه‌ر ئێك ژ باژێرێن (ئه‌بو زه‌بى يێ ئيماراتى وده‌وحه يێ قه‌ته‌رى وئۆساكا يێ يابانى وكيوبيك يێ كه‌ندى) هات.
وى مالپه‌رێ بريتانى سه‌رنج خسته سه‌ر باژێرێ هه‌ولێرێ كو دناڤ وه‌لاته‌كێ نه‌ئارام ونه‌سه‌قامگير دا، شيا دئاراميێ وئێمناهيێ دا جهێ خوه بكه‌ت وب ده‌ڤه‌ره‌كا تمام ئارام وه‌كو پايته‌ختێ هه‌رێما كوردستانێ هژمارت وب باژێره‌كێ هه‌ره دێرين ل جيهانێ وهه‌مه‌جريا پێكهاتێ ئاينى ونه‌ته‌وى يێ جودا جودا هژمارت.
ل دووڤ وى مالپه‌رى ژى 10 باژێرێن ئارام ل جيهانێ ئه‌ڤه‌نه:
- ئه‌بو زه‌بى (ئيمارات)
- ده‌وحه يێ (قه‌ته‌ر)
- ئۆساكا (يابان)
- كيوبيك (كه‌نه‌دا)
- هه‌ولێر (هه‌رێما كوردستانێ – عيراق)
- سنگافۆرا (سنگافۆرا)
- بازل (سويسرا)
- توكيۆ (يابان)
- دوبه‌ى (ئيمارات)
- ميونخ (ئه‌لمانيا)
بۆ ديتنا وى بابه‌تى دمالپه‌رێ بريتانى دا ڤى لينكى كليك بكه