ماموستایه‌كێ كورد ژ به‌ر ناڤێ كوردستانێ هاته سزادان
ئه‌ڤرۆ:
حفزوللا كوتوم ماموستایێ زانكۆیێ ل باكورێ كوردستانێ كو به‌ری نها د چه‌ند بابه‌تێن خوه دا ب رێیا تۆرێن جڤاكی دیار كربوو “بژی كوردستان” و هه‌روه‌سا “شوره‌شا ئیلۆنێ ل هه‌موو گه‌لێ كورد پیرۆز بیت” ژ ئالیێ رێڤه‌به‌ریا زانكۆیێ ڤه ژ كاری هاته دوورخستن و به‌ری دو رۆژان ژی هاته گرتن و نها ل زیندانێ یه.
پارتێن باكوری كوردستانێ ژی پێكڤه د داخۆیانیه‌كێ دا دیار كرن كو ئه‌ردۆغانێ سه‌رۆك كۆمارێ توركیا دبێژیت ل توركیا زمانێ كوردی ئازاده و هه‌روه‌سا دبێژن ناڤێ كوردستانێ ژی قه‌ده‌غه نینه لێ د هه‌مان ده‌می دا ماموستایه‌كێ زانكۆیێ ژ به‌ر گۆتنا بژی كوردستان زیندانی دكه‌ن و ئه‌و یه‌ك ژی ناهێته قه‌بوول كرن.
