مامۆستايه‌كێ زانكۆيێ: مه‌ترسيا ل سه‌ر رێكه‌فتنا هه‌ولێر و به‌غدا هه‌يى
ماموستایێ زانستێن سیاسی ل كولیژا یاسا و رامیاری ل زانكویا سه‌لاحه‌دین بو ئه‌ڤرۆ نیوز دیاركر لایه‌نێ كوردی سێ هه‌یڤه وه‌ك نیاز پاكیا خوه موله‌ت دابوونه عه‌بادی، لێ ده‌ربازبوونا ئه‌وی ده‌می ل گوره‌يی رێكه‌فتنا هه‌رێمێ ل گه‌ل به‌غدا نها ئاریشێن ته‌كنیكی هه‌نه و نابنه ئاریشێن سه‌ره‌كی د ناڤبه‌را هه‌رێم و به‌غدا دا كو كێشه چاره نه‌بن.
د.عه‌بدولحه‌كیم خسرۆ گۆت: “ئه‌و رێكه‌فتنا هه‌رێمێ ل گه‌ل به‌غدا پێدڤی ب ده‌می هه‌یه و چاڤه‌رێ بین دانوستاندنێن زێده‌تره ل گه‌ل به‌غدا، هه‌موو تشته‌ك ژی هاتیه رۆهنكرن د رێكه‌فتنێ دا”.
ماموستایێ زانستێن سیاسی ئه‌و ئیكه‌ژی دا زانین كو پێدڤیه حوكمه‌تا هه‌رێما كوردستانێ ژی هه‌لویستێ عه‌بادی و عادل عه‌بدولمه‌هدی به‌رچاڤ وه‌رگريت و رۆهنكرنێن زێده‌تر ل سه‌ر بده‌ن.
ناڤبری ئه‌و چه‌نده ژی گوت: “ئه‌ڤ رێكه‌فتنه يا ستراتیژی یه نه‌ك ته‌كتیكی يه هه‌رێم و نه به‌غدا وه‌كو رێكه‌فتن بۆ قۆناغه‌كێ يان ده‌مه‌كی نابینن، له‌ورا دێ به‌رده‌وام بن ل سه‌ر، دا بیته بنه‌مایه‌ك بۆ رێكه‌فتنا دووماهیی ل گه‌ل به‌غدا”.
نه‌ڤه‌شارت ژى كو نوكه ترس ژ وێ چه‌ندێ هه‌یه هێزێن سیاسی هه‌بن ل عیراقێ كو رێگریان بێخنه پرۆسا وێ و گۆت: “نه رۆهنیا ناڤه‌رۆكا رێكه‌فتنێ دبیت ببيته ئاریشه”.
