مامۆستايێن دهۆكێ سه‌ره‌دانا هێزێن پێشمه‌رگه‌ى دكه‌ن
ئه‌ڤرۆ نيوز:
ئه‌ڤرۆ رۆژا سێشه‌مبى رێكه‌فتى 27/9/2016 ده‌مژمێر 12 نیڤرۆ مامۆستایێن سه‌نته‌رێ پارێزگه‌ها دهۆك سه‌ره‌دانا هێزێن پێشمه‌رگه‌ى ل میحوه‌رێ تلسقوف كرن.
شانده‌كێ مامۆستایێن پارێزگه‌ها دهۆك پێكهاتى ژ شانده‌كێ بلندێ رێڤه‌به‌ریا گشتى یا په‌روه‌رده‌یا پاریزگه‌ها دهۆك و په‌روه‌رده‌یێن رۆژهه‌لات و رۆژئاڤا و سێمێل و سه‌ندیكا مامۆستایێن كوردستانێ لقێ دهۆك دگه‌ل هژماره‌كا سه‌رپه‌رشتیار و مامۆستا و رێڤه‌به‌رێن قوتابخانا سه‌ره‌دانا دۆماهیك خالێن سه‌نگه‌رێن پێشمه‌رگا ل میحوه‌رێ تلسقوف كرن و پێشوازیه‌كا گه‌رم لێ هاته كرن ژلایێ فه‌رماندێ فه‌رمانده‌یا سپیلكى به‌ریز تارق هه‌رنى و ئه‌فسه‌ر و پله‌دار و پێشمه‌رگێن میحوه‌رێ تلسقوف , پاشان شاندێ ناڤبرى سه‌ره‌دانا هێزا لقا ئێك یا پارتى دیموكراتى كوردستان و ئاسایشا میحوه‌رێ تلسقوف كرن .
ئارمانجا سه‌ره‌دانا شاند و مامۆستایێن دهۆكێ بۆ هندێ بوو كۆ ژدل سۆپاسیا هه‌لویستێ مه‌ردانه یێ یێن هیزێن پێشمه‌رگه‌ى بكه‌ن كۆ به‌ریا چه‌ند رۆژان د به‌یاننامه‌یه‌كێ دا دایه دیاركرن كۆ د ئاماده‌نه به‌شه‌ك ژ مووچێن حوه بده‌نه مامۆستایان , مامۆستایێن دهۆكێ ژى په‌یاما خوه بۆ هێزێن پێشمه‌رگه‌ى ب ئاماده‌یبوون گه‌هاند و دانه دیاركرن كا چه‌وا ئه‌و به‌رگریێ ژ ئاخا پیرۆزا كوردستانێ دكه‌ن , ئه‌م ژى زارۆك و كچ و كورێن ملله‌تێ مه ل قوتابخانان دێ د سه‌نگه‌رێن په‌روه‌رده و فێركرنێ دابین و چوول ناكه‌ین , چونكى به‌رگرى یا كوردستانێ ل هه‌ردوو میحوه‌ران دهێته كرن .