مامۆستایان وه‌زاره‌تا دارایی دۆرپێچكر
ئه‌ڤرۆنيوز:
پشتى نيڤرۆيا ئه‌ڤرۆ دوشه‌مبى 19/2/2018، مامۆستايێن پارێزگه‌ها به‌غدا، بۆ داخوازكرنا چاره‌سه‌ريا كۆمه‌كا كێشان، چوونه سه‌ر جاده‌يان وئاڤاهيێ وه‌زاره‌تا دارايى يا عيراقێ دۆرپێچكر.
ژئه‌گه‌رێ برينا مووچه‌ى وهژمارنه‌كرنا پله بلندكرنا وان ل دووڤ قانوونا خزمه‌تا مه‌ده‌نى يا عيراقى، مامۆستا ل به‌رده‌م وه‌زاره‌تا دارايى يا عيراقى كۆمبوون وئاڤاهيێ وه‌زاره‌تێ دۆرپێچكر.
ده‌زگه‌هێن راگه‌هاندنێ يێن عيراقى، هژماره‌كا وێنێن خوه‌نيشانده‌ران به‌لاڤكرن، كو مامۆستا بۆ داخوازكرنا مافێن خوه چوونه سه‌ر جادێن به‌غدا وهێرش كره سه‌ر وه‌زاره‌تا دارايى يا عيراقى.
دياركرن ژى كو هێزێن ئه‌منى يێن عيراقى رێگرى ل مامۆستايان كر ونه‌هيلا بچنه دناڤ ئاڤاهيێ وه‌زاره‌تێ دا، به‌لێ لژنه‌كا مامۆستايان چونه ژۆر ول گه‌ل به‌رپرسێن وه‌زاره‌تا دارايى كۆمبوون بۆ چاره‌سه‌ركرنا كێشان.
