مامۆستایێن زانکۆیێ دەلیڤێن قۆپیایێ ددەنە کچان
ئەڤرۆ:
قۆپیاکرن ئێک ژ وان رێیانە کو ھندەک قوتابی پەنایێ بۆ دبەن بۆ ھندێ سەرکەفتنێ د ئەزمونان دا ب دەست خوە ڤە بینن، سالانە چەندین قوتابی د ناڤ زانکۆیان دا، سەرا قوپیایێ دھێتە بێ بەھرکرن ژ خواندنێ.
قوتابیەکێ فاکولتیا کارگێری و ئابووری ب ناڤێ قوێەی عەبدولواحد دیارکر کو قوپیاکرن د ناڤ زانکۆیێ دا یێ ھەی، بەلێ ب شێوەیەکی کێم و دیارکر قوتابی د تاقیکرنان دا زێدەتر سەحدکەنە ئێک و دو و کێمتر پەنایێ دبەنە بەر وێ چەندێ کو لسەر وەرەقا بنڤیسن و ببەنە د تاقیکرنان دا و ھەروەسا برێیا بلوتوسی دبێژن کو ھندەک قوتابی پەنایێ بۆ دبەن، لێ من ب خوە کەس ل دۆر ڤێ چەندێ نەدیتی یە کو قوپیا کربیت، و گۆت: “ب ھزرا من نوکە قوپیاکرن بەرەڤ کێم بوونێ دچیت”.
قوسەی زێدەتر گۆت: “کچ زێدەتر ژ کورا قۆپیایێ دکەن چونکی کچ شەھرەزاترن و مامۆستا ژی پتر رێکێ ددەنە کچا بۆ قوپیاکرنێ و شەرم ژ کچا دکەن، گەلەک جارا ئاشکرا ناکەن ھەتاکو قوتابی تێک نەچیت د ناڤ ھەڤالان دا”.
ھەروەسا قوتابی فاکولتیا کارگێری و ئابووری، نەورۆز ئوسمان، گۆت: “ھەکە کچک ب قوپیایێ بھێنە گرتن، کچک پتر شەرم ژ خوە دکەن، و کومەلگەە پتر لۆما کچا دکەن، ئانکو لسەر کچان قەبوول ناکەن بشولەکی ھوسا رابن”.
مامۆستایەکێ زانکۆیا فاکولتیا کارگێری و ئابووری بناڤێ “د. سەنان قاسم ل دۆر ڤی بابەتی گۆت: “قوپیاکرن یا ھەی بەلێ ب شێوەیەکی کێمتر ژ سالێن بووری، چونکی قوتابی دھێنە ئاگەھدارکرن ژ خراپیێن قۆپیایێ و سزایێن قوپیایێ د گرانن یێ ب ڤی کاری رادبیت”.
ھەروسا د. سەنانی دیارکر کو دانانا ئامێرێن تایبەت بۆ نەھێلانا قۆپیایێ بشێوەی بلوتو یان ب موبایلی کاریگەریەکا باش ھەبوویە کو قوتابی پەنایێ بۆ نەبەت.
د. سەنانی ھێشتا گۆت: “دانانا کامێران ژی بۆ ھۆلێن ئەزموونان بۆ ئەڤ سالە، ھێشتا قوپیاکرن کێم تر لێدکەت، ئەم دخوازین پێرابوونێن وەسا بکەین کو دەلیڤا قوپیایێ بۆ قوتابیان ھێشتا کێمترلێبکەین چونکی نەشێین بشێوەکی ئێکجاری قۆپیا کرنێ نەھێلین”.
ھەروەسا ناڤبری دیارکر کو کو قوتابیێن کچ زێدەتر قۆپیایێ دکەن ل کوڕا و گوت: “چ جیاوازی ناھێتەکرن د ناڤبەرا کوڕ و کچا دەمێ ھەر قوتابیەک ب ڤێ کاری رادبیت چ کوڕ ئانکو کچ بەلگە ڤێ بھێنە دیتن کو قوپیایێ دکەن، دھێنە سزادان ب کەفتی ل ھەمی بابەتا.
ژ ئەگەرێ دووڤچوونا مە ل ناڤەندێن پلاندانانێ و تۆمارێن کۆلیژا ل زانکۆیا دھوکێ دیار بوو کو قوپیا کرن ب رێژەیەکا زۆر بەرەڤ کێم بوونێ ڤە چوویە چونکی د سالێن بوری دا وەکی سالا ”٢٠١٠ “ ب نموونە بھێتە وەرگرتن “١٠-١٥ “قوتابی ل زانکۆیا دھوکی ب کاری قوپیا رابوینە و ھاتنە ھژمارتن بکەفتی دوی سالێ دا، ناڤەندێن پلاندانانێ و تومارێن کۆلیژا ل زانکویا دھوکێ دیارکرن کو ئەڤ جۆرێن قوپیایێ د ئەڤ سالەدا قوتابی پێ رابووینە ھندەک ژ وان ب شێوێ پارچە کاغەزێن بچیک و ھندەکی دیتر پرسیار ل ماموستا دزینە، ھەروسا ھندەکا تشتێن زێدە کو پەیوەندی ب بابەتیڤە نەبوویە ل سەر دەفترا تاقیکرنی نڤیسینە ئەڤ کارەژی دھێتە ھژمارتن ب قوپیا، ساڵ بو ساڵی ژی رێژا قوپیا کرنێ کێمتر لێ دھێت، ناڤەندێن پلاندانانێ و تومارێن کۆلیژا ل زانکویا دھۆکێ دیارکرن کو دڤان سالێن دوماھیکێ دا “١-٥ “ قوتابیان بو ھەر سالەکی ب کارێ قوپیایێ رابووینە کو قوتابی زێدەتر بشێوێ کاغەزێن بچیک و ھندەک ژی ب شێوەی بلوتوسی ب ڤێ کارێ رابووینە.
