مامۆستایێن سەر ب وەزارەتا کاروبارێن جڤاکی ڤە دێ پارێ ھاندانێ سەرئێک وەرگرن
ئەڤرۆ نيوز:
بەرپرسێ لقێ دھۆکێ یێ ئێکەتیا مامۆستایێن کوردستانێ ئاشکرا کر، ل نێزیک پارێ ھاندانێ ل سەر مامۆستایێن سەر ب وەزارەتا کاروبارێن جڤاکی ڤە دێ ھێتە مەزاختن و دبێژیت: چاوا بۆ مامۆستایێن پەروەردێ ھاتیە مەزاختن ب ھەمان شێوە دێ بۆ وان ژی ھێتە مەزاختن.
وەھبی یونس تێلی، سەرۆکێ لقێ دھۆکێ یێ ئێکەتیا مامۆستایێن کوردستانێ بۆ رۆژناما ئەڤرۆ خویا کر، ل دووڤ نڤسیارا ھژمار 2877 یا رێکەفتی 24/6/2018 کو ژ دیوانا سەرۆکاتیا جڤاتا وەزیران دەرچوویی و ئیمزا نێچیرڤان ئەحمەد، سەرۆکێ دیوانا جڤاتا وەزیران ل سەرە دیارکریە کو ل نێزیکترین دەم دێ پارێ ھاندانێ بۆ مامۆستایێن سەر ب وەزارەتا کاروبارێن جڤاکی ڤە ھێـتە مەزاختن.
وەھبی یونس ئاشکرا ژی کر، پشتی پێداچوون ل سەر خواستا ئێکەتیا مامۆستایێن کوردستانێ/ لقێ دھۆک ھاتیەکرن ژ لایێ جڤاتا وەزیران ڤە و ڤەکۆلین ل گەل وەزارەتا دارایی ھاتیەکرن و گۆت: “بڕیار ل سەر مەزاختنا ھاندانا مامۆستایێن سەر ب وەزارەتا کاروبارێن جڤاکی ڤە ھاتەکرن و بڕیار ھاتەدان پارێ ھاندانێ ھەموو ل سەر ئێک بۆ مامۆستایان ل نێزیکترین دەم بھێتە مەزاختن”.
