مامۆستا دێ ھێنە دامەزراندن

ئەڤرۆ نيوز:
ل گۆرەی نڤیسارەکا وەزارەتا پەروەردێ یا حوکمەتا ھەرێما کوردستانێ کو دانەک دەست رۆژناما ئەڤرۆ کەفتیە، جڤاتاوەزیران ب مەرج ل سەر دامەزراندنا مامۆستایان رازیبوویە.
ل دووڤ وێ نڤیسارا وەزارەتا پەروەردێ یا ھژمار 9740 کو ل رۆژا 23ى تيرمه‌ها 2017ێ دەرکەفتیە و ئیمزا دکتۆر پشتیوان سادق، وەزیرێ پەروەردێ ل سەرە و بۆ ھەموو رێڤەبەریێن گشتی یێن پەروەردێن ھەرێما کوردستانێ گشتاندیە و تێدا ھاتیە: “دەمێ مامۆستایەکێ دامەزراندی یان گرێبەست کارێ خوە یێ مامۆستایەتیێ دھێلیت، جڤاتاوەزیران یا ھەرێما کوردستانێ رازیبوونا خوە دیارکریە کو ل جھێ وی مامۆستای، مامۆستایەکێ دی ب گرێبەست ب مەرج بھێتە دامەزراندن”.
د وێ نڤیسارێ دا خویا ژی کریە کو دڤێت ئەو مامۆستایێ ب شێوێ گرێبەست دھێتە دامەزراندن ھەمان باوەرناما مامۆستایێ کارێ خوە ھێلای ھەبیت، دیسا بسپۆریا وی مامۆستای ھەمان بسپۆریا مامۆستایێ ھێلای یان ئێک ژ ڤان بسپۆریان: (زمانێ ئنگلیزی، زانستێن گشتی، فیزیا، کیمیا، زیندەوەرزانی یان بیرکاری) بیت.

کۆمێنتا تە