ماهیری كلیپەكا نوو بەلاڤكر
رەمەزان زەكەریا
هونەرمەندێ ناڤدار(ماهیرمحەمەد ئەمین) ددیدارەكێ دا بۆ رۆژنامەیا ئەڤرۆ گۆت: بەری چەند رۆژان من نووترین سترانا خۆ ب ناڤێ (بێ ئارامی) ب شێوازێ ڤیدیۆ كلیپ بەلاڤكر و دڤێ سترانێ دا من بزاڤ كرینە دەروونێ بێ ئاسودە ئارامی و هەستێ كو زۆر ژ خەلكی ل سەردەمێ نوكە دا تێدا دژین ئاشكرا بكەم.
ناڤهاتی گۆت: ستران ژ هەلبەستا (ئەحمەد هەردی) یە و (برزۆ ئیبراهیم) كارێ ئاواز و ڕێكخستنا مۆزیكا وێ داناییە، هەروەسا تێكەلكرن و دووماهی ئینان ب دەنگی ژلایێ (دیار دلاوەر) ڤە بۆ هاتیە كرن و (برزۆ ئیبراهیم) مۆنتاژا بەرهەمی كرییە سوپاسیا وی دكەم كو هێڤێنی دروستكرنا ڤێ سترانا من یا نوو بوو.
