ماوێ دابەشکرنا مووچێ فەرمانبەرێن هەرێما کوردستانێ هاتە راگەهاندن
ئەڤرۆ نیوز، زنار تۆڤی:
وەزارەتا دارایی و ئابووری یا حوکمەتا هەرێما کوردستانێ ئامادەکاری بۆ دابەشکرنا مووچێ هەیڤا ٤ یێ فەرمانبەران دکەت و ل سەر داخوازا وێ وەزارەتێ، هەموو وەزارەتان، لیستا مووچان رەوانەی دارایی کریە.
لدووڤ زانیاریێن ئەڤرۆ نیوز ل رۆژانێن دووماهیا ڤێ حەفتیێ ، دێ دابەشکرنا مووچێ هەیڤا نیسانێ یێ فەرمانبەرێن هەرێما کوردستانێ دەست پێ کەت، چونکی ”ل رۆژا ٤ هەموو هەیڤان، دابەشکرنا مووچەی دەست پێ دکەت“.
هەروەسا ل ڤێ هەیڤێ ئەگەرەکێ زۆر هەیە کو مووچێ پێشمەرگەی د رێزبەندیا ئێکێ یا دابەشکرنا مووچەیدا بهێتە دانان،: ”هەکە وەزارەتا پێشمەرگەی ئێکەمین وەزارەت بیت کو مووچەی وەربگریت، دێ مووچێ وەزارەتێن دیتر چەند ڕۆژان پاشکەڤیت و پاشی دێ مووچێ وەزارەتێن ساخلەمیێ و پەروەردێ و دارایی هێنە دابەش کرن“.
