ماوێ پەرلەمانی ب دووماهی هات و ئەڤرۆ عیراق کەفتە د ڤالاهیەکا ته‌شریعی دا
ئەڤرۆ نیوز ، زنار تۆڤی:
ئەڤرۆ ئێکشەمبی ژیێ قانوونی یێ خولا سیێ یی په‌رله‌مانێ عیراقێ ب دووماهی هات، پشتی کو دوهی نه‌شیای نیسابێ قانوونی ژبۆ درێژكرنا خولا خوه یا ته‌شریعی ته‌مام بكه‌ت.
ماوێ خولا سیێ ژی یێ په‌رله‌مانێ عیراقێ ب دووماهی هات و ئه‌ڤرۆ 1.7.2018 عیراق كه‌فتیه د ڤالاهیه‌كا ته‌شریعی و چاڤدێریێ دا، ئەڤ چەندە هات پشتی کو پەرلەمان نەشیای نیسابێ قانوونی ژبۆ روونشتنا خوە یا دوهی ژبۆ درێژكرنا خولا په‌رله‌مانی ته‌مام بکەت.
هەروەسا هەتا نوکە ده‌ست ب كاربوونا خۆلا چارێ یا په‌رله‌مانێ عێراقێ یا دیار نینە و ئەڤ چەندە یا گرێدایە ب ژڤانێ ب دووماهی هاتنا پرۆسا ب ده‌ست هژمارتنا ده‌نگان و په‌سه‌ندكرنا وانە ژ لایێ دادگه‌ها فیدرالی ڤە، وەکو دیار چاڤدێر پێشبینی دكه‌ن کو ئه‌ڤ پرۆسه دێ بۆ ماوەکێ درێژ ڤه‌كێشیت.
دادگه‌ها بلند یا فیدرالی ل عیراقێ راستڤه‌كرنا سیێی یا قانوونا هه‌لبژارتنان په‌سه‌ند كر و بریار دایە کو رێژه‌یه‌كا ده‌ستنیشانكری یا ده‌نگان ب ده‌ست بهێنە هژمارتن.
