محسن تەها: چ بڕیار بۆ بەلاڤکرنا گازا سپی بۆ مە نەهاتینە
ئه‌ڤرۆ نیوز، نه‌وزاد هلۆرى:
ب گوره‌ى نڤیساره‌كێ كو ئه‌ڤرۆ رۆژا شه‌مبى رێكه‌فتى دویێ چریا دوویێ هاتیه به‌لاڤكرن، حوكمه‌تا عیراقێ ب نڤیساره‌كا فه‌رمى 50 ملیون لیترێن نه‌فتا مالان بۆ پارێزگه‌هێن هه‌رێما كوردستانێ دابینكرن.
دنڤیسارێ دا هاتیه، 288 هزار لیتر رۆژانه بۆ پارێزگه‌ها سلێمانیێ دێ ژ پارزینگه‌هێن بازیان هێنه وه‌رگرتن و 72 هزار لیتر ژى بۆ پارێزگه‌ها هه‌له‌بچه ب هه‌مان شێوه و جهى هێنه وه‌رگرتن.
216 لیتر رۆژانه دا بۆ پارێزگه‌ها هه‌ولێر دێ ژ پارزینگه‌هێن كه‌له‌ك هێنه وه‌رگرتن، دیسان 108 هزار لیتر ژى رۆژانه بۆ پارێزگه‌ها دهۆك ل هه‌مان پازرینگه‌هێ هێنه وه‌رگرتن.
پێشتر ئه‌ندامه‌كێ په‌رله‌مانێ كوردستانێ دیاركر، نه‌فتا سپى دێ رێكه‌فتى 1/11/2019 ده‌ست پێ كه‌ت، به‌لێ هه‌تا نوكه وه‌لاتى چاڤه‌رێ نه‌فتێ دكه‌ن و نه‌هاتیه دابه‌شكرن.
ژلایێ خوڤه، موحسن تەها، رێڤه‌به‌رێ بەهەمێن سۆتەمەنیێ و کانزایان ل دهۆكێ بۆ ئه‌ڤرۆ نیوز گۆت: (هه‌تا نوكه چو نڤیسار و بریار ژلایێ حوكمه‌تا عیراق و هه‌رێما كوردستانێ ژى ل بارا دابه‌شكرنا نه‌فتێ بۆ مالان نه‌گه‌هشتینه ده‌ستێ مه).
