محەمەدێ حاجی مەحمود: بۆ سەرکەڤتنا مللەتێ کورد دڤێت پشتەڤانیا بارزانی بھێتە کرن

ئەڤرۆ نیوز:
سەبارەت سەرەدانا (سەرۆک بارزانی) بۆ وەلاتێن کەنداڤی، محەمەدێ حاجی مەحمود دبێژیت: سەرکەفتنەکا مەزن بوو، نھا ژبلی کورد فاکتەرەکێ ب ھێزا کوردستانێ و عیراقێ نە، فاکتەرەکێ دیێ ب ھێزا رۆژھەلاتا ناڤینە و دشێت بالانسا دەڤەرێَ راگریت.
سکرتێرێ گشتیێ پارتا سوسیالیستا دیموکراتی کوردستان و فەرماندێ ھێزا پێشمەرگەی ل میحوەرێ کەرکووک بۆ مالپەرێ فەرمیێ پارتی دیمورکاتی کوردستان گۆت: نھا کورد ژبلی کو فاکتەرەکێ ب ھێزیێ کوردستانێ و عیراقێ نە، فاکتەرەکێ دیێ ب ھێزیێ رۆژھەلاتا ناڤینە ب ھەر شێوەکێ ھەبیت و دشێت بالانسا دەڤەرێ راگریت، نھا دو ھەڤپەیمانی ل دەڤەرێ ھەنە، ئێک ب سەرکێشیا ئەمریکایە و یا دوێ ب سەرکێشیا رووسیایە، پێگەھێ کوردان ژی ل دەڤەرێ پلەکا ھەرەباشا ھێزێ ھەیە.
محەمەدێ حاجی مەحمود گۆت: سەرەدانا سەرۆک بارزانی بۆ وەلاتێن کەنداڤی بتایبەت بۆ وەلاتێ سعودی عەرەبی کو پێشوازیەکا بێ وێنە ژ ئالیێ شاھێ سعودیێ ڤە ل سەرۆک بارزانی ھاتیە کرن، سەرکەفتنەکا مەزن بوو بۆ کوردان، کو کورد ھێشتا نەبوینە دەولەت، بەلێ بڤی رەنگی سعودیێ پێشوازی ل سەرۆکێ کورادان کری ئەڤە دەستکەفتەکێ مەزنە.
حاجی مەحمود ھەروەسا دیارکر، پێدڤیە پشتەڤانی ل ڤێ سەرەدانێ و پێنگاڤا سەرۆک بارزانی بھێتە کرن، چونکە پشتەڤانیا مافێن مللەتەکی یە و دبەرژوەندیا مللەتێ مەدایە، ھەمی ئەو سەرەدان بۆ ھندێ نە داکو پشتەڤانیا سیاسی و راگەھاند و لەشکری و کارگێری و دارایی بۆ ھێزێن پێشمەرگەی بدەستڤە بھێن، چونکی کورد یێن د شەرەکی دا زێدەتر ژ 1000 کێلۆمەرتان سەنگەرێن دوور و درێژ ھەبمەری داعشێ ھەنە، شەرێ دوژمنەکێ وەکی داعش تێدا دکەت کو رێژا 50% ژ ئاخا سووریایێ گرتیە و رێژا 40% ژ ئاخا عیراقێ ددەستان دایە، بتنێ پێشمەرگە شیایە د ئاخا خوەدا وی دوژمنی دەربێخیت.

کۆمێنتا تە