محەمەد محسن: ما ل عەفرین ژی ریفراندۆم ھاتبوو کرن؟
ئه‌ڤرۆ نيوز:
محەمەد محسن ئامێدی بو روژناما ئەڤرو دا دیارکرن، بەری لەشکرێ تورکیا ھێرشی سەر عەفرینێ بکەت ھێزێن روسیا و ئەمریکا و ھەڤپەیمانێن وێ تێدابوون مەشق و راھێنان ب شەرڤانێن یەپەکێ دکرن، و گوت: یەپەگێ ژی ل روژئاڤایێ کوردستانێ رولەکێ کاریگەر ھەبوو دژی تیرورستێن داعش.و گەلەک ھێزین دی ژی ل سوریا ھەبوون وەک بەرەیێ نوسرە کو سەر ب تورکیا ڤە بوون لێ چو جوداھی د ناڤبەرا وان و داعش دا نەبوو.
دھەمان دەمدا گۆت: تورکیا دخوازیت ھێرشا سەر ئەردی بکەتە سەر عەفرینێ و ھندەک دەڤەرێن دی ب پشتەڤانیا بەرەیێ نوسرە بکەت، وەکو ئەم دبینین کو چەوا ئەمریکا خوە ل ھەمبەری لەشکرێ عیراقێ و پاسدارێن ئیرانێ دەمێ ھێرشی سەر کەرکوکێ، خوە کورە و کەڕ و بێدەنگ کر، ھەر ھەمان سیناریو بەرامبەری روژ ئاڤایێ کوردستانێ ژی بکارئینان، چونکو ئەمریکا ب بەژن و بالا پێشمەرگەی ژی دگۆت. چونکو نەدگوت ئەم دژی ریفراندۆما باشورێ کوردستانێ نە بەلگەژی دەمێ کاک مەسرور بارزانی و نەجمەدین کەریم ل گەل سیاسەتمەدارێن ئەمریکا رونشتی و بو وان دیارنەکر کو ریفراندۆمێ نەکەن، بەس دیارکر کو ئەم دژ نینین لێ پشتی ریفراندۆمێ دژایەتیا خوە دیارکر.
محەمەد محسن دا خویاکرن، کورد ل ھەرچار پارچێن کوردستانێ یێن ل بن زورلم و ستەما داگیرکەران دا دژین، پشتی گوھۆڕینا رەوشا دەڤەرێ کورد شیان جھێ خوە بگرن و رولەکێ مەزن بگێرن، چو ل باشورێ کوردستانێ یان ل روژئاڤایێ کوردستانێ و دگەل بەرژەوەندیێن ئەمریکا کار دکر، ئەمریکا و ھەڤپەیمانێن وێژی ب بەژن و بالا پێشمەرگەی و شەرڤانا گۆتیە و ل بەر چاڤێن ھەموو دونیایێ ب راگەھاندنێ گۆتیە کوردان پێش ھەموو جیھانێ ڤە شەرێ تیرورستان کریە، لێ پشتی کو داعش لاۆاز بووین ئەمریکا و ھەڤپەیمانێن وێ ئاوازێن خوە گوھۆڕین لدووڤ بەرژەوەندیێن خوە و سوزێن خوە شکاندن حیجەتا وان ئەوبو کو کوردان ریفراندۆم کر کەرکوک رادەستی ئیرانێ کرن و گۆت بلا کوردان شەرکربا ئەم دا پشتگیریێ کەین، پێشمەرگەی شەرژی کر بەلێ ئەمریکا ھەریا بێدەنگ بوو, و بوی شەری لەشکرێ عیراقێ و ب پشتەڤانیا ئیرانێ پێشمەرگەی راوەستاند، ئەرێ خوە چو ریفراندوم ل عەفرینێ ژی نەھاتینە ئەنجامدان کو خوە ل ھێرشا تورکیا بێ دەنگ بکەن.
