مزگينيه‌كا خۆش ل دۆر پانزينێ بۆ شۆفێران
ئه‌ڤرۆ نيوز:
رێڤه‌به‌ريا به‌رهه‌مێن سۆته‌مه‌نيێ ل پارێزگه‌ها دهۆك ژڤانێ كێشا نه‌مانا پانزينێ راگه‌هاند و ئاماژه ب وێ چه‌ندێ كر كو كارتێكرنا ئاواران ژى دبيته ئه‌گه‌رێ كێمبوونا پانزينێ.
يوسف نورى، رێڤه‌به‌رێ به‌رهه‌مێن سۆته‌مه‌نيێ ل پارێزگه‌ها دهۆكێ د داخۆيانيه‌كێ دا بۆ راديۆيا دهۆك گۆت: “بڕياره ئه‌ڤرۆ مليۆنه‌ك و 400 هزار ليترێن پانزينێ بگه‌هن و ئێكسه‌ر دێ ل سه‌ر پانزينخانا هێنه به‌لاڤكرن”.
زێده‌تر گۆت: “ب گه‌هشتنا ڤان مليۆنه‌ك و 400 هزار لتيران كێشا پانزينێ ل پارێزگه‌ها دهۆكێ نامينيت و دێ چاره بيت”.
رێڤه‌به‌رێ به‌رهه‌مێن سۆته‌مه‌نيێ ل پارێزگه‌ها دهۆكێ دا زانين ژى كو هه‌بوونا ئاوارێن زۆر ژى ل پارێزگه‌هێ كارتێكرنا خوه ل سه‌ر كێميا پانزينێ هه‌يه و ژ به‌ر وێ چه‌ندێ پێدڤيه رێژه‌كا زێده‌تر بۆ پارێزگه‌ها دهۆكێ بهێته دابينكرن.
