مزگينيه‌ك بۆ كه‌سوكارێن شه‌هيدان
ئه‌ڤرۆ نيوز:
كاروان ستۆنى رێڤه‌به‌رێ راگه‌هاندنێ ل رێڤه‌به‌ريا گشتى يا حه‌ج و عومرا هه‌رێما كوردستانێ راگه‌هاند كو وه‌كو وه‌فادارى و رێز بۆ كه‌سوكارێن سه‌ربلندێن شه‌هيدان، ب گۆره‌ى فه‌رمانه‌كا وه‌زارى، بڕيار هاته دان كو رێژا كه‌سوكارێن سه‌ربلندێن شه‌هيدان بۆ فه‌ريزا حه‌جێ ببيته 100%ێ ب ڤێ چه‌ندێ ژى ل جهێ 45 پشكان بۆ كه‌سوكارێن شه‌هيد و ئه‌نفالكريان ببيته 90 پشك بۆ هه‌موو پارێزگه‌هێن هه‌رێما كوردستانێ.
د راگه‌هاندنه‌كێ دا كو دانه‌ك بۆ ئه‌ڤرۆ نيوز ژى ره‌وانه كريه ئاماژه ب وێ چه‌ندێ ژى كريه كو ل دووڤ ڤێ چه‌ندێ هه‌ر ئێك ژ پارێزگه‌هێن هه‌ولێر و سلێمانى دێ 25 پشك ب به‌ركه‌ڤن و دهۆك ژى 20 پشك و هه‌ر ئێك ژ هه‌له‌بچه و گه‌رميان ژى 10 پشك.
خۆيا ژى كريه كو هه‌ر ژ به‌ر ڤێ چه‌ندێ ژى كه‌سوكارێن شه‌هيد و ئه‌نفالكريان دشێن سه‌ره‌دانا رێڤه‌به‌ريێن پارێزگه‌هێن خوه يێن سه‌ر ب وه‌زاره‌تا كاروبارێن شه‌هيد و ئه‌نفالكريان بكه‌ن.
