مزگینیەکا خۆش بۆ خەلکێ کوردستانێ…. ھێلەکا ئەسمانی بلێتێن راستەوخۆ بۆ فرۆکخانا ھەولێرێ دفرۆشیت
ئەڤرۆ نیۆز ، زنار تۆڤی:
ھێلەکا ئەسمانی یا پلەئێک ل جیھانێ، بلێتێن گەشتا ئەسمانی یا راستەوخۆ بۆ فرۆکخانێن هەرێما کوردستانێ دفرۆشێت،پشتی زێدەتر ژ دو هەیڤێن داخستنێ.
ھێلا ئەسمانی یا (قەتەر ئێرلاین) ل مالپەرێ خۆدا، بلێتا گەشتێ یا دناڤبەرا فرۆکەخانا نێڤدەولەتی یا حەمەد ل قەتەر بۆ هەردو فرۆکخانێن نێڤدەولەتی یا ھەولێر و سلێمانیێ دفرۆشێت.
ل دووڤ فرۆشتنا بلێتان ل مالپەرێ فەرمی یێ ھێلا قەتەر ئێرلاین، گەشتێن ئەسمانی یێ نێڤدەولەتی یێن وێ ھێلێ بۆ فرۆکخانێن ھەولێر و سلێمانیێ دێ ل رۆژا ٣٠/١٢/٢٠١٧ دەست پێ کەن.
بۆ سزادانا خەلکێ هەرێما کوردستان، کو زێدەتر ژ %٩٢ وەلاتیێن کوردستانێ د ریفراندۆمێدا ل رۆژا ٢٥ ئیلۆنێ دەنگ بۆ سەربەخۆیێ و جۆدابوونی ژ عێراقێ دابوو، حوکمەتا عێراقێ ل رۆژا ٢٩/٩/٢٠١٧ ھەردو فرۆکەخانێن نێڤدەولەتی یێن ھەولێر و سلێمانیێ داخستینە و تا نوکە نەهاتینە ڤەکرن.
